genero- asimetria langabeziaren irudikapen sozialean - Euskara

ONDORIOAK ETA EZTABAIDA
erantzuten diote eta hauen inguruko hausnarketa, aurrerago, gune zentrala eta
azaldeko sistemaren arteko harremana aztertzen den atalean egingo da.
Baiona-Bidarteko ikasleen kasuan gogora-ekartzeko galdesortetan lortutako
emaitzetan, langabezia enplegurik gabe egotea da, enpleguaren bilakuntza
suposatzen du eta gainera, langabezian egoteak zailtasun eta ondorio batzuk
dakartza, maila ekonomikoan batik bat. Era berean, langabezia maskulinoa lanaren
inguruan, egoerak dakartzan zailtasunetan eta izan ditzakeen ondorio familiarretan
oinarritzen da. Hau da, gizon langabetua, enplegurik gabe dagoen eta maila
desberdinetan, ekonomikoan eta familiarrean batez ere, zailtasunak bizi dituen
gizona da. Bestalde, langabezia femeninoa, lanaren inguruan eta langabeziak
sortarazten dituen zailtasunen inguruan antolatzeaz gain, emakumeak dimentsio
familiarrean duen paper tradizionalaren inguruan egituratzen da. Langabezia
femeninoaren irudikapena, generoarekiko asimetriak antolatzen du. Batetik,
emakumeen rol tradizionala azpimarratzen da, egoeraren larritasuna arintzen duena
eta, bestetik, emakume langabetua enplegurik gabe dagoen eta zailtasun asko
aurkitzen dituen emakumea da, sozialki bizi duen diskriminazio egoera dela eta.
Baiona-Bidarteko ikasleen kasuan, Aix-en-Procence-koekin gertatzen den
moduan, emakumeen eta gizonen inguruko estereotipo tradizionalak agertzen dira.
Gizona, tradizionalki familiaburua izanik, bere egoerak familia larriki aztoratu
dezakeen bitartean, emakumearen kasuan alderantzizkoa pentsatzen da,
etxekoandrea izanik familia egitura tradizionala mantentzea lortzen baita.
Gogora-ekartzeko datuekin burututako analisi kategorialetan, langabezia
orokorraren kasuan, Lanarekiko Harremana, Zailtasunak eta Alderdi Ekonomikoak
kategoria partekatuenak eta lehentasunez adierazitakoak izateaz gain, kategoria
konexuenak dira, beraien artean ere lotura estua mantentzen dutelarik. Langabezia
maskulinoaren kasuan, kategoria partekatuenak eta lehentasunez adierazitakoak
Lanarekiko Harremana, Zailtasunak, Pribazioa eta Alderdi Indibidualak dira. Era
berean, kookurrentzia indizearen bidez burututako analisietan, kategoria
konexuenak, Lanarekiko Harremana eta Alderdi Indibidualak dira. Langabezia
femeninoaren kasuan, Lanarekiko Harremana, Familia eta Alderdi Sozialak
kategoriak partekatuenak eta lehentasunez adierazitakoak izateaz gain, kategoria
259