genero- asimetria langabeziaren irudikapen sozialean - Euskara

HURBILPEN TEORIKOA
esker errealitatea ezagutzen da, gizabanakoei egunerokotasuneko egoeretan eta
harremanetan moldatzeko aukera emanaz (Wagner eta Elejabarrieta, 1994).
2.3.3.1. Objektibazioa
Objektibazio prozesuan, pentsamendu sozialak nozio eta gertaerak
sinplifikatzeko, murrizteko, eskematizatzeko eta laburtzeko duen joera azaltzen da.
Eskematizazio joera honek, batetik, irudikatutako objektuari egozten dizkiogun
ideiei errealitate estatusa emateko beharrari erantzuten dio eta, bestetik,
komunikazioa errazten du (Jodelet, 1984).
Objektibazio prozesuan, objektuarekiko informazio ezberdinek
prozesamendu berezia jasotzen dute. Errealitateko informazio multzo guzia atzeman
ezinik, taldearen balioen eta igurikimenen arabera, elementu batzuk soilik hautatuko
dira. Elementu hauek zehaztuko dira eta beraien artean irudi moduan berrantolatuko
dira, atzeman izan diren testuingurutik at. Elementu hauek gune figuratiboa osatuko
dute. Wagner eta Elejabarrieta-ren esanetan, gune figuratiboa objektibatu nahi den
ideiaren esentzia atzematen duen irudi nuklearra da (Wagner eta Elejabarrieta, 1994).
Gune figuratiboak irudikapenaren esanahiaren oinarria osatzen du eta irudikapen-
objektuaren beraren errealitatea ordezkatzen du.
2.3.3.2. Ainguratzea
Ainguratze prozesuak objektu berri bat gizabanakoen aldez aurretiko
pentsamenduan nola itsasten den adierazten du. Lehendabizi, ezagunak diren
kategoriekin lotuaz, hau da, kategoria familiarretan itsatsiaz. Geroago, jadanik
dauden esanahi multzo batekin lotuaz (Moscovici, 1984). Irudikapena, garaian
dauden ideien unibertsoan, arauzkoan, pentsamoldeetan txertatzen da. Gizartearen
eta gizartea osatzen duten taldeen balioen hierarkiek esanahi multzo bat osatzen
dute, zeinen arabera objektu berria egokitu eta ebaluatuko den. Objektu berria,
pentsamendu korronte desberdinak topatzerakoan, modu desberdinean
interpretatua izango da (Moscovici, 1961/1976).
Unean uneko arau balioen sistema batean objektu baten integrazioa ez da
talkarik gabe ematen, noizbehinka, aldez aurretik dagoen sistemaren nahasmendua
19