genero- asimetria langabeziaren irudikapen sozialean - Euskara

IKERKETAREN EMAITZAK
4. Gabezia dimentsioan, “pas” hitza. Pribazioa, elementu ezberdinekin lotzen
da. Besteren artean, askotan lanarekin (“pas de travail”, “sans emploi”) eta
beste zenbaitetan, diruarekin (“pas d´argent”).
5. Prestazio sozialetan, laguntza ekonomikoekin lotuta “RMI”-a (Revenu
Minimum d´Insertion) koka daiteke.
Langabezia orokorraren kasuan, erdigunea langabeziaren definizio eta
ondorioen inguruan egituratzen da. Hau da, batetik langabezia enplegurik gabe
egotea da (“être sans emploi”) eta bestetik, langabezian egoteak zailtasun eta ondorio
batzuk dakartza (“difficultés”, “problèmes”), batez ere maila ekonomikoan
(“financiers”, “pauvreté”, “précarité”). Ildo honetatik, langabezian egoteak
dakartzan ondorio ekonomikoak, gizarteak neurri batean bere gain hartzen ditu,
gizarteratzeko gutxieneko diru-sarrera bermatuaz (“RMI”).
azalduko dira:
Azalaldea
Azalaldeko datuak, gune zentralean identifikatutako dimentsioei jarraiki
- Lanarekiko harremanaren barnean bi alor bereiz daitezke, deskriptiboa
(enplegurik gabe) eta aktiboa (enplegua bilatu). Deskriptiboarekin bat
datoz periferian azaltzen diren hitz hauek: “chômage”, “inactivité”,
“licenciement”. Alderdi aktiboarekin lotuta berriz, “rechercher” hitza
dago bigarren koadrantean kokatua.
- Zailtasunak dimentsioarekin bat “ennuis” hitza ageri da.
- Alderdi ekonomikoari lotuta, batetik “argent” eta “salaire” hitzak eta
bestetik, eskasiari lotuta, “galère” eta “misère” hitzak daude.
- Gabezia adieraziaz, “sans” eta “perte” hitzak.
- Prestazio sozialen dimentsiora lotuta, batetik, “allocations” eta
“indemnités” hitzak daude eta bestetik, sostengu egiturak, “ANPE”
(Agence Nationale Pour l´Emploi, enplegua gestionatzen duena) eta
“ASSEDIC” (Association pour l´emploi dans l´industrie et le commerce,
laguntzak gestionatzen dituena).
111