genero- asimetria langabeziaren irudikapen sozialean - Euskara

IKERKETAREN EMAITZAK
Kategorien arteko harremana
Kookurrentzia indizearen bidez burututako analisiaren arabera (ikus 7.
Grafikoa), langabezia orokorraren kasuan kategoria partekatuenak, Lanarekiko
Harremana, Zailtasunak eta Alderdi Ekonomikoak izateaz gain, kategoria
konexuenak dira, hau da, hiru dimentsio hauek dira beste kategoriekin lotura gehien
mantentzen dituztenak, beraien artean ere lotura estua mantentzen dutelarik. Hiru
kategoria hauekin, kookurrentzia maila altuak mantentzen dituzte honako kategoria
hauek: Aurre Egiteko Modua, Pribazioa eta Alderdi Indibidualak. Bestalde, Prestazio
Sozialak eta Alderdi Deskribatzaileak, Alderdi Ekonomikoekin eta Lanarekiko
Harremanarekin kookurrentzia altua dute, azken bi kategoria hauek irudikapena
osatzen duten kategoria gehienekin mantentzen duten lotura anitzak nabarmenduz.
Behin efektu nagusiak ikusita, inplikazio indizearen bidez burututako
analisian (ikus 8. Grafikoa), kategoria ezberdinek, hiru dimentsio hauekiko
mantentzen duten besarkadura maila azalduko da. Lanarekiko Harremana
kategoriarekin soilik inplikazio maila altua mantentzen dute, Kategoria Sozialak eta
Alderdi Deskribatzaileak. Bestalde, Zailtasunen dimentsioarekin soilik inplikazio
maila altua aurkezten du Alderdi Indibidualen kategoriak. Alderdi Sozialak,
inplikazioa maila altua du bai Zailtasunekin bai eta Alderdi Ekonomikoekin. Egitura-
sistemak bere aldetik, inplikazio maila altua aurkezten du Zailtasunekin eta Lanaren
dimentsioarekin. Lanaren dimentsioarekin eta Alderdi Ekonomikoarekin inplikazio
maila altua dute, Prestazio Sozialak, Pribazioa eta Aurre Egiteko Modua, azken
kategoria honek Lanarekiko Harremanaren kategoriarekin inplikazio maila altuagoa
aurkezten du (% 81 versus % 67). Azkenik, Familia dimentsioa erabili duten
pertsonek (% 6,5), era berean, Zailtasunei, Alderdi Ekonomikoei eta Lanari
erreferentzia egin diote.
161