genero- asimetria langabeziaren irudikapen sozialean - Euskara

ONDORIOAK ETA EZTABAIDA
ematen dela. Ondorioz, sistema arauemailearen azterketan bi testuinguruen isla
ematen bada ere, hirugarren hipotesiarekin bat datorrena, kasu maskulinoan
erreferente Sindikala nabarmendu da eta femeninoan berriz, ikasleek
berdintasunaren balioekin batera emakumeenganako diskurtso kontserbakorra
mantentzen dute eta langabezian egotearen ardura emakumeengan jartzen dute.
Laugarren hipotesiaren harira beraz, genero-asimetriaren eragina sistema
arauemailean nabarmentzen da. Erreferenteen bidezko hurbilpena baliabide bereziki
interesgarria izan da sistema androzentrikoaren azterketarako. Izan ere, sistema
androzentrikoa, ideologia moduan, ez da elementu konkretuetan antzemangarria.
Gainera, egungo gure gizarteetan pentsamendu eta jarrera sexistak modu irekian
adierazteak eredu normatiboetatik at daude. Maila honetan, gune isilen existentziaz
hitz egin genezake (Guimelli eta Deschamps, 2000), gune isil hauek taldearen ageriko
arauen presioaren eraginez ematen direlarik.
Langabezia femeninoaren aurrean bi sistema arauemaileen arteko
kontraesana ematen da. Erreferenteen bidezko sistema arauemailearen azterketan
berdintasunaren aldeko diskurtsoarekin batera, diskurtso kontserbakorraren eragina
azaldu da. Bestalde, gogora-ekartzeko galderekin burututako azterketetan ere,
emakumeen rol tradizionalak azpimarratzearekin batera, emakumeenganako dagoen
diskriminazioa aipatu da. Arrazarekiko aurreiritzien inguruan burututako
azterketetan azaltzen den moduan, kontraesanen kudeaketaren azpian ideologia
kontserbakorra aurkitzen da. Martínez eta kolaboratzaileen hitzetan, “Si normalidad
y regularidad son funciones primordiales del sistema social, es lógico que sea la
aceptación de la desigualdad actual, manifestada en la normalidad de las injusticias,
uno de los elementos del discurso racista, llamémosle sutil, latente, moderno,
simbólico, o cualquier otro eufemismo políticamente correcto” (Martínez, Paterna,
Rosa, Angosto, 2000).
Orain arte ikusitakoaren arabera, langabeziaren irudikapen soziala genero-
asimetriaren arabera antolatzen da. Langabezia erreferente maskulinoaren inguruan
egituratua dago, kasu femeninoan eta kasu maskulinoan gune zentrala berdina
izanik, langabezia femeninoaren berezitasunak azalaldean gestionatzen dira. Hau da,
genero-asimetriaren eragina edukian ezezik, langabeziaren egituran ere nabarmendu
273