genero- asimetria langabeziaren irudikapen sozialean - Euskara

118
LANGABEZIA FEMENINOA ETA MASKULINOA: GENERO-ASIMETRIA …
Azalaldea
Gune zentralean identifikatutako zazpi dimentsioak aberasten eta zehazten
dituzten hitzak azalaldean aurkitu dira.
- Lanarekiko harremanean, “travail”, “licenciement” eta “trouver” hitzak
dauzkagu.
- Zailtasunetan harreta ipintzen, “ennuis” hitza daukagu.
- Alderdi ekonomikoetan, “salaire” eta “financiers” hitzak.
- Gabezia adierazten, “manque” eta “perte” hitzak. “Manque” hitza, batez
ere, formazio ezari lotuta dago, honako espresioekin: “manque de
qualification”, “manque de diplômes”, “manque d´études”, “manque
d´experience”. “Perte” hitza bestalde, ondorio indibidualekin lotuta
dago, honako espresioekin: “perte de repère”, “perte d´independence”,
“perte de confiance”.
- Kategoria sozialetan, “jeunes” eta “seule” (une femme seule) hitzak
daude.
- Dimentsio familiarrean, “maternité”, “occuper” (“enfants à s´occuper”)
eta “élever” (“élever ses enfants”) hitzak koka daitezke.
- Alderdi sozialean, “discrimination” eta “sexisme” hitzak.
- Alderdi deskribatzailean, “moins” hitza. Hitz honek testuinguru
ezberdinetan azaltzen da (“salaire en moins”, “moins important”, “moins
grave”), baina batez ere langabezia femeninoaren larritasun eza
azpimarratzen du.
Azalaldean, beste zenbait dimentsiorekin ere lotu daitezkeen hitzak aurkitu
dira. Prestakuntza dimentsioari lotuak, “qualification”, “diplôme” eta “expérience”
hitzak daude. Hitz hauek agertzen diren testuinguruek, batez ere, prestakuntza
gabeziaz dihardute (“manque de qualification”, “sans qualification”, “manque
d´expérience”, “absence d´experience”, “manque de diplôme”, “sans diplôme”).
Dimentsio indibidualarekin lotuak, “dépression” eta “motivation” hitzak daude.