genero- asimetria langabeziaren irudikapen sozialean - Euskara

IKERKETAREN EMAITZAK
azterketarako, langabezia maskulinorako eta langabezia femeninorako
proposatutako taldeen eragina aztertuko da. Langabezia maskulinoaren kasuan,
ikasleek langabezia maskulinoari buruz modu Estandarrean emandako erantzunak
eta Sindikalista baten lekuan eta Ugazaba baten lekuan jarrita emandako erantzunak
konparatuko dira. Langabezia femeninoaren kasuan ikasleek langabezia femeninoari
buruz modu Estandarrean emandako erantzunak eta Feminista baten lekuan eta
Ugazaba baten lekuan jarrita emandako erantzunak konparatuko dira. Azkenik,
taldeen arteko konparaketa burutuko da.
3.2. AIX-EN-PROVENCE-KO DATUAK
Aix-en-Provence-ko ikasleei bost karakterizazio galdesorta planteatu zaizkie,
hiru karakterizazio galdesorta klasiko (langabezia orokorrari buruz, gizon langabetu
bati buruz eta emakume langabetu bati buruz) eta bi karakterizazio galdesorta
ordezkapen teknikarekin langabezia femeninoari buruz (Feminista baten eta
Ugazaba baten lekuan jarrita). Bost galdesorta hauek 124 ikasleetatik 98 ikaslek (52
gizonezko eta 46 emakumezko) bete dituzte eta aurkeztutako emaitzak ikasle
hauekin burututako analisietan oinarritzen dira.
3.2.1. Erantzun Estandarrak
3.2.1.1. Itemen agerikotasunaren azterketa
Karakterizazio galdesorten bidez lortutako informazioa honela kodetu da:
item karakteristikoak 3, ez karakteristikoak 1 eta aukeratu ez diren itemak 2.
Langabezia orokorraren kasuan (ikus 10. Taula), hiru item karakteristiko
agertzen dira: “Bazterketa soziala”, “Estutasuna, estresa sortzen du” eta “Arazo
ekonomikoak”. Ez karakteristiko bestalde, hiru item azaltzen dira: “Lagunak galdu”,
“Gurasoak ez dira seme-alabentzako eredu” eta “Babes sozialaren menpekoa”.
Bestalde, “Diploma gabezia” itemean ikasleen arteko banaketa argia da. Ikasleen %
35,7ak ez karakteristikotzat du eta beste % 38,8ak ordea, karakteristikotzat jotzen du.
185