genero- asimetria langabeziaren irudikapen sozialean - Euskara

IKERKETAREN EMAITZAK
dituen galdetzerakoan, ikasleek ezezko borobila ematen dute. Etxekoandreak ez du
arazo ekonomikorik, bere senarra da dirua etxera dakarrena. Etxekoandrea ez da
sozialki baztertua sentitzen, emakumeari tradizionalki egokitzen zaion rola beteaz.
Azkenik, etxekoandreak ez du enplegurik bilatzen, etxeko-lanak eta haurren zainketa
burutzearekin nahikoa lan baitu, ordaindua ez bada ere.
Irungo ikasleen kasuan, gogora-ekartzeko galderen bidez emandako
erantzunetan, langabezia lanarekiko harremanaren eta dakartzan zailtasunen
inguruan egituratzen da. Langabezia enplegurik gabe egotea da, honek dakarren
zailtasun eta ondorio ekonomikoekin. Langabezia maskulinoaren kasuan gainera,
familiaburua irudiarekin loturik, dimentsio familiarra azpimarratzen da, gizon
langabetuaren kasuan langabeziaren egoerak indibiduoaz gaindiko esparrua ukitzen
duelarik. Bestalde, langabezia femeninoan, emakumeen espezifikotasuna azaltzen
da. Batetik, emakumeari etxearekin loturiko rol tradizionala egokitzen zaio eta
bestetik, emakumea izateagatik pairatzen duen diskriminazioa aipatzen da.
Gogora-ekartzeko hitzen kategorizazioan burututako kookurrentziazko
similitude analisietan, lanaren dimentsioaren zentraltasuna agerian jarri da,
langabezia orokorrean, langabezia maskulinoan eta langabezia femeninoan.
Langabezia maskulinoaren kasuan gainera, alderdi indibidualak nabarmendu dira,
gizon langabetuak pairatu ditzakeen ondorio psikologikoei arreta berezia ipiniaz.
Alderdi ekonomikoak bestalde, langabezia femeninoan bigarren maila batetan geratu
badira ere, langabezia orokorrean eta maskulinoan berebiziko pisua dute.
Bestalde, karakterizazioko galdesortetan langabeziak dakartzan zailtasun
ekonomikoak eta ondorio psikologikoak azpimarratu dira, langabezia orokorrean,
langabezia maskulinoan eta langabezia femeninoan. Erreferenteen bidez burututako
sistema arauemailearen azterketan, nabaria da langabezia maskulinoan erreferente
Sindikalaren eragina. Langabezia femeninoari dagokionez bestalde, erabilitako bi
erreferenteen eragina ematen da, Feminista eta Ugazabarena.
Errefusapen galdesortetan, “enpleguaren bilakuntza” itemaren zentraltasuna
egiaztatu da. Pertsona langabetua (gizona nahiz emakumea) enplegua bilatzen duen
pertsona da. Gainera, langabezia maskulinoari dagokionez, gizon langabetua arazo
ekonomikoak dauzkan pertsona da. Irungo ikasleek bazterketa soziala ez dute
247