genero- asimetria langabeziaren irudikapen sozialean - Euskara

190
LANGABEZIA FEMENINOA ETA MASKULINOA: GENERO-ASIMETRIA …
seme-alabentzako eredu” (K-S = 0.24; p < .01), “Norbere burua zalantzan jarri” (K-S =
0.22; p < .01) eta “Bazterketa soziala” (K-S = 0.19; p < .05). Kasu honetan esan daiteke,
langabezia maskulinoari buruz femeninoaren ondoren erantzuterakoan, bi kasuak
ezaugarritzeko modua homogeneizatzen dela.
- Emakumezkoek eta gizonezkoek emandako erantzunen
konparaketa
Karakterizazio Estandarretan, gizonezkoek eta emakumezkoek emandako
erantzunak konparatu nahi izan dira eta honetarako, Kolmogorov-Smirnov testa
erabili da.
Langabezia orokorraren kasuan ez dira desberdintasun esanguratsurik
aurkitu gizonezkoek eta emakumezkoek emandako erantzunen artean. Langabezia
maskulinoaren kasuan, gizonezkoek “Bazterketa soziala” karakteristikotzat hartu
duten bitartean, emakumezkoek ez dute karakteristikotzat jo (K-S = 0.28; p < .01).
Bestalde, “Norbere burua zalantzan jarri” itema emakumezkoek karakteristikotzat
hartu duten bitartean, gizonezkoek ez dute karakteristikotzat jo (K-S = 0.22; p < .05).
Azkenik, aipatu beharra dago, bai gizonezkoek bai eta emakumezkoek ere, “Arazo
ekonomikoak” karakteristikotzat dituztela, itema emakumezkoek esanguratsuki
gehiagotan aukeratu badute ere (K-S = 0.22; p < .05). Langabezia femeninoaren
kasuan, desberdintasun esanguratsu bakarra “Esperientzia falta” itemean azaltzen
da. Gizonezkoek langabezia femeninoaren kasuan “Esperientzia falta”
karakteristikotzat dute eta emakumezkoek berriz, ez ( K-S = 0.32; p < .01).
Karakterizazio estandarretan lortutako informazioa laburbilduz, langabezia
orokorraren, maskulinoaren eta femeninoaren kasuan, “Arazo ekonomikoak”
elementu karakteristiko garbia da (langabezia femeninoaren kasuan esangura
gutxiagoz aukeratzen bada ere) eta elementu ez karakteristikoen aldetik, “Babes
sozialaren menpekoa” eta “Lagunak galdu” itemak azaltzen dira. Bestalde,
“Bazterketa soziala” itema, langabezia orokorrean eta maskulinoan karakteristikoa
den bitartean (batez ere langabezia orokorraren kasuan), “Estutasuna sortzen du”
itema, langabezia orokorrean eta femeninoan karakteristikotzat jotzen da (batez ere
langabezia femeninoaren kasuan).