genero- asimetria langabeziaren irudikapen sozialean - Euskara

192
LANGABEZIA FEMENINOA ETA MASKULINOA: GENERO-ASIMETRIA …
erreferentean erabilitako hierarkizazioa beste karakterizazio galdesortetan
erabilitako hierarkiarekin bat ez badator ere, langabezia femeninoaren kasuan
erabilitakoarekin antzekotasun handiagoak daudela esan daiteke.
Oro har, irudikapen berdin baten barnean kokaturiko elementuen hipotesiari
jarraiki, langabezia ezaugarritzeko erabilitako itemen hierarkiak parekoak dira,
langabezia orokorrean, maskulinoan eta femeninoan. Erreferenteei dagokionez
aipagarria da, Feminista baten lekuan jarrita langabezia femeninoari buruz
emandako erantzunak, antzekotasun handiagoak mantentzea langabezia
orokorraren eta maskulinoaren kasuan emandako erantzunekin, langabezia
femeninoa berarekiko baino. Hau da, berdintasunezko diskurtsoaren erreferenteak
langabezia femeninoa, langabezia maskulinora eta langabezia orokorrera hurbiltzen
du.
3.2.2.2. Itemen agerikotasunaren azterketa
Erreferenteen lekuan jarrita lortutako datuak, erantzun Estandarren moduan,
agerikotasunaren eta kasu bakoitzean emakumeek eta gizonek emandako
erantzunen banaketen arteko desberdintasun esanguratsuen arabera aztertu dira.
Feministaren lekuan jarrita emandako erantzunetan (ikus 14. Taula),
langabezia femeninoa bost itemekin ezaugarritzen da: “Bazterketa soziala”,
“Bikotean tentsioak sor ditzake”, “Estutasuna, estresa sortzen du”, “Seme-alabak
perturba ditzake” eta “Norbere burua zalantzan jarri”. Bestalde, ez karakteristikotzat
hiru item hartzen dira: “Diploma gabezia”, “Babes sozialaren menpekoa” eta
“Lanaren bilakuntzarako motibazio eskasa”. Aipatzekoa da, “Diploma gabezia”
itema ikasleen % 59ak ez karakteristikotzat jotzen duen bitartean, ikasleen beste %
22ak karakteristikotzat jo duela, item honetan ikasleen arteko banaketa agertaraziaz.
14. Taula: Aix-en-Provence-ko taldean langabezia femeninoaren karakterizazioa
Feministaren lekuan jarrita (portzentajetan).
Itemak Batez
bestekoa
Ez
karakteristikoa
Aukeratu
gabe
Karakteristikoa
Diploma gabezia 1,63 59,2 18,4 22,4
Bazterketa soziala 2,41 18,4 22,4 59,2
Bikotean tentsioak sor ditzake 2,42 17,3 23,5 59,2