genero- asimetria langabeziaren irudikapen sozialean - Euskara

238
LANGABEZIA FEMENINOA ETA MASKULINOA: GENERO-ASIMETRIA …
emandako erantzunen artean desberdintasun esanguratsu bakarra aurkitu da.
Emakumezkoek emakume langabetua “arazo ekonomikoak” itemarekin lotzen dute
eta gizonezkoek, ordea, gutxiago. Hau da, emakumezkoen % 84, 2ak langabetua eta
“arazo ekonomikoak” itemak lotzen ditu, gizonezkoen % 65, 2ak soilik lotzen ditu,
ordea (K-S = 0.19; p < .05).
Laburbilduz, langabezia maskulinoan eta langabezia femeninoan, “arazo
ekonomikoak”, “bazterketa soziala” eta “enpleguaren bilakuntza” itemen
zentraltasuna berretsi da. Pertsona langabetuak (gizon nahiz emakume) arazo
ekonomikoak dauzka, sozialki baztertuta sentitzen da eta enplegua bilatzen du.
Bestalde, zenbait berezitasun aurkitu dira errefusapen galdesorta maskulinoaren eta
femeninoaren artean. Errefusapen maskulinoan, elementu zentraletatik gehien
aldentzen den estatusa jabearena da eta errefusapen femeninoan etxekoandrearena da.
Azkenik, nabarmentzekoa da gizonezkoek ez dutela emakume langabetua arazo
ekonomikoak dauzkan pertsonatzat hartzen, emakumezkoek aldiz bai.
4.4. IRUNGO DATUAK
Burututako sei errefusapen galdesortetatik, gizon bati buruzko hiru
galdesortak 126 ikaslek bete zituzten (72 gizonezko, 53 emakumezko eta ikasle 1
kodetu gabea) eta emakume bati buruzko hiru galdesortak 124 ikaslek bete zituzten
(65 gizonezko eta 59 emakumezko). Aurkeztutako emaitzak ikasle hauekin
burututako analisietan oinarritu dira.
4.4.1. Errefusapen maskulinoa
Errefusapen maskulinoan ondoko emaitzak aurkitu dira (ikus 42. Taula).
“Arazo ekonomikoak” itema langabetua estatusarekin (ikasleen % 71,4ak baztertua)
eta familiaburua-rekin (ikasleen % 73,8ak baztertua) lotzen da. “Bazterketa soziala”
itema elbarria-rekin lotzen da (ikasleen % 76,8ak baztertua). “Enpleguaren
bilakuntza” itema langabetua estatusarekin lotzen da (ikasleen % 77,8ak baztertua).
Beraz, gizon langabetuak arazo ekonomikoak dauzka eta enplegua bilatzen du.
Bazterketa soziala ez da gizon langabetuaren funtsezko ezaugarritzat jotzen; lotura
hau ikasleen % 62,7ak soilik egiten du. Gainerakoan, langabetu estatusetik gehien