genero- asimetria langabeziaren irudikapen sozialean - Euskara

4
LANGABEZIA FEMENINOA ETA MASKULINOA: GENERO-ASIMETRIA …
helburu du eta, gure ikerketan, irudikapen sozialen bidez arakatzen saiatu gara.
Maila honetan, langabeziaren irudikapen sozialaren hurbilpenak bi interes nagusi
dauzka. Sistema androzentrikoaren iraunkortasuna aztertzea eta kontzeptualki
aldaketaren arazoari heltzea. Sistema androzentrikoaren dinamikari heltzeko beraz,
praktika sozialen eta irudikapen sozialen arteko harremanetan sakonduko da eta, era
berean, sistema arauemaileak irudikapen sozialetan jokatzen duen papera aztertuko
da.
Bestalde, egungo gizarteetan lanak oraindik ere balio zentrala duela eta
langabeziaren egoera sozialki gaitzetsia dela jakinez, langabeziaren irudikapen
soziala aztertzearen interesa argia da. Langabeziak, irudikapen batzuk, jarrera
batzuk eta jokaera batzuk sortarazten ditu. Bestalde, langabeziaren problematikaren
osagai psikosozialari dagokionez, indibidualismoaz hitz egin beharra dago.
Ikuspuntu honetatik, langabetua bere egoeraren erantzule nagusitzat hartzen baita,
bai langabeziaren egoera pertsonalki bizi duenarentzako bai eta gizartearentzako ere.
Zalantzarik ez dago beraz, langabezia gaur egungo gure gizarteetan kezka
sortarazten duen fenomenoa dela esaterako orduan. Maila honetan, langabezia
sozialki eraikitako errealitate bat da, bere ondorio indibidual, sozial, ekonomiko eta
familiarrez gain funtzio sozial ezberdinak betetzen dituena sistema ekonomiko eta
sozialaren mantenuan.
Aurkezten den lana bost atal nagusitan bereizten da. Lehenengo atalean
irudikapen sozialen teoriaren oinarriak azalduko dira, bereziki ikerketa honetan
jarraitutako Gune Zentralaren Teoriaren hurbilpenarena. Era berean, irudikapen
sozialen aldaketa-prozesuei helduko zaie, irudikapen sozialen, praktika sozialen eta
sistema arauemailearen arteko harremana aztertuz. Azkenik, generoen arteko
harremanetan sakontzeko bi kontzepturi helduko zaie, genero-asimetriari eta
thêmatei.
Bigarren atalean ikerketa-gaiari helduko zaio, langabeziari hain zuzen.
Lehenik, modu laburrean bada ere, lanak historian zehar jokatu duen papera
azalduko da. Ondoren, langabeziak gure gizarteetan betetzen dituen funtzio
ideologikoetan sakonduko da, bereziki genero-asimetriari. Bestalde, ikerketa aurrera
eraman den gazteen testuingurura hurbiltzearekin batera, langabeziarekiko babes