genero- asimetria langabeziaren irudikapen sozialean - Euskara

HURBILPEN TEORIKOA
universelle que comme une catégorie capturant la spécificité de sexe” (Pichevin,
1995, 460 or.). Bestalde, Amâncio-k (1997) proposatutako “asimetria sinbolikoaren”
kontzeptuaren arabera, sexu maskulinoak balio generikoa du eta, ondorioz, sexu
femeninoaren aurrean erreferente papera jokatzen du, sexu femeninoaren
espezifikotasuna nabarmenduz: “In fact the masculine stereotype does not only
define individuals of the male sex but its meaning are also embedded with those of
the individual in general, whereas the feminine stereotype defines only the
individuals of that sex“ (Amâncio, 1997, 80 or.).
Behin, genero-asimetriak talde arteko harremanetan eta oro har antolakuntza
sozialean duen eragina ikusita, irudikapen sozialen barnean, sexu-genero sistemak
munduaren antolakuntzan duen eragina aztertzea ahalbidetzen duen kontzeptu
berri bati helduko zaio, thêmatei hain zuzen.
4.2. THÊMATEN BIDEZKO HURBILPENA
Irudikapen sozialak testuinguru soziohistoriko eta kulturaletan eratu,
mantendu eta garatzen dira. Belaunaldiz belaunaldi transmititzen dira, bide ez-
formalen eta bide instituzionalen bidez. Sozializazioa, eguneroko esperientziaren
praktikak, oroimen kolektiboa, pertsonarteko jokabideak eta komunikazio sinbolikoa
dira transmisio bide ez-formalak. Bide instituzionalak, hizkuntza, heziketa, sistema
legalak etab. osatzen dituzte. Moscovici eta Vignaux-ren esanetan (1994), irudikapen
sozialak gure pentsamendu eta komunikazioari zentzua eta koherentzia emanez,
taxonomia komunetan, kategorietan edo hobeto esan, thêmatetan oinarritzen dira.
Holton-ek (1982) uste-primario moduan definitzen ditu thêmatak, “arketipo”
gisa, talde baten oroimen kolektiboan sakonki sustraituak daudenak. Irudikapenen
sozialtasunaren oinarritzat har daitezke eta logika naturalean paper nagusia bete
dezakete. Markova-k (1999), bestalde, thêmaten izaera oposakorra azpimarratzen du.
Orokorrean, hautemateak, pentsamoldeak, jakituriak eta hizkuntzaren izaera
oposakorrak, oso desberdinak diren gizarte eta kulturetan tradizio luzea du. Bizitza
soziala, bere forma guzietan -ekonomikoa, linguistikoa, politikoa eta erlijiosoa-
norabide desberdinetan lan egiten duten indarrekin eratzen da eta borroka horien
bidez garapenak eta aurrerapenak esku hartu dezake. Oposaketaren legea
45