genero- asimetria langabeziaren irudikapen sozialean - Euskara

IKERKETAREN EMAITZAK
17,4a barneratzen du, pertsonen % 66,4ak erabili du eta lehentasunez aipatzen da
(batez besteko heina = 2,9).
Kategorien arteko harremana
Kookurrentzia indizearen bidez burututako analisiaren arabera (ikus 9.
Grafikoa), langabezia maskulinoaren kasuan kategoria partekatuenak Lanarekiko
Harremana eta Alderdi Indibidualak izateaz gain, kategoria konexuenak dira. Hau
da, bi dimentsio hauek dira beste kategoriekin lotura gehien mantentzen dituztenak,
beraien artean ere lotura estua mantentzen dutelarik (% 32ko kookurrentzia). Bi
kategoria hauekin, kookurrentzia maila altuak mantentzen dituzte Pribazioa eta
Alderdi Ekonomikoen kategoriak. Lanarekiko harremanarekin soilik, Aurre Egiteko
Modua kategoriak kookurrentzia maila altua aurkezten du eta Alderdi
Indibidualekin soilik kookurrentzia maila altuak mantentzen dituzte, Zailtasunak,
Familia eta Alderdi Sozialak kategoriak, Alderdi Indibidualen dimentsioak
langabezia maskulinoaren kasuan hartzen duen garrantzia agerian jarriaz.
Inplikazio indizearen bidez burututako analisian (ikus 10. Grafikoa),
kategoria ezberdinek, besteak beste, bi dimentsio hauekiko mantentzen duten
besarkadura maila azalduko da. Lanarekiko Harremanean eta Alderdi
Indibidualekin inplikazio maila altua aurkezten dute Alderdi Ekonomikoak, Egitura-
sistema, Pribazioa (inplikazio maila altuagoa aurkezten du Alderdi Indibidualekin
Lanarekiko Harremanarekin baino, % 76 versus % 60) eta Aurre Egiteko Modua,
azken honek Lanaren dimentsioarekin inplikazio maila altuagoa duelarik (% 93
versus % 71). Prestazio Sozialen kategoriak, Lanaren dimentsioarekin soilik
aurkezten du inplikazio maila altua. Bestalde, Alderdi Indibidualekin inplikazio
maila altua duten beste kategoria hauek aurkitzen dira: Alderdi Sozialak, Kategoria
Sozialak, Zailtasunak eta Familia. Azkenik, aipatzekoa da Egitura-sistemari pertsona
gutxik erreferentzia egiten badiote ere (% 2,8), langabezia maskulinoarekiko
irudikapen osatu bat dutela. Hau da, bi kategoria partekatuenei eta zentralenei,
erreferentzia egiteaz gain, Zailtasunekin, Pribazioarekin, Formazioarekin eta Alderdi
Deskribatzaileekin inplikazio maila altua adierazten dute.
165