genero- asimetria langabeziaren irudikapen sozialean - Euskara

2.2.2. Datuen azterketa
HURBILPEN METODOLOGIKOA
Karakterizazio teknikaren bidez lortutako informazioa, estimulu bakoitzaren
aurrean (langabezia orokorra, langabezia maskulinoa eta langabezia femeninoa)
itemek aurkezten duten agerikotasuna aztertu da. Bestalde, estimulu ezberdinen
aurrean lortutako informazioa konparatu da, 15 itemek kasu bakoitzean (langabezia
orokorrean, langabezia maskulinoan eta langabezia femeninoan) jarraitzen duten
ordenari erreparatuz (Kendall-en Tau-b) eta item bakoitzak kasu bakoitzean
jarraitzen duen puntuaketaren banaketa binaka konparatuaz (Kolmogorov-Smirnov
testa). Hau da, adibidez, arazo ekonomikoak itema langabezia maskulinoaren kasuan
eta langabezia femeninoaren kasuan aurkezten duen banaketa konparatuz.
Agerikotasuna item baten zentraltasunaren hipotesia egitea ahalbidetzen
duen neurri bat da eta bi indizeei esker lortzen da: efektiboa eta item bakoitzaren
puntuaketen banaketa. Hau da, gune zentraleko item batek, populazioan partekatua
izateaz gain (indize-efektibo altukoa), irudikapena antolatu beharra dauka, beste
hitzetan, pertsona bakoitzarentzako beharrezkoa izan behar du. Puntuazioen
banaketaren arabera, hiru item mota bereiz daitezke (Vergès, 2001): “j” moduko
banaketa jarraitzen duten itemek, irudikapenaren gune zentralekoak izateko aukera
handia dute (ikus 3. Irudia). Hau da, pertsona askok karakteristikotzat aukeratuak
eta pertsona gutxi batzuk ez karakteristikotzat aukeratuak diren itemak. Bestalde,“u”
moduko banaketa aurkezten duten itemek (kus 4. Irudia), pertsonen arteko banaketa
baten existentzia adierazten dute eta bi ikusmolde kontrajarrien hipotesia egin
daiteke. Azkenik, kanpai moduko banaketa aurkezten duten itemak daude. Banaketa
honek, itemak objektuarekin azaleko harremana duela adierazten du.
87