genero- asimetria langabeziaren irudikapen sozialean - Euskara

HURBILPEN METODOLOGIKOA
Estimulu ezberdinen arteko konparaketari dagokionez, Kendall-en Tau-b-a bi
sailkapenen arteko antzekotasuna aztertzeko erabiltzen da (Howel, 1988). Flament-ek
(1994e) bere aldetik, bistaratze soil batean hierarkiak binaka konparatzea
ahalbidetzen duen indizea dela erakusten du. Ikerketa honetan, kasu bakoitzean
itemek jarraitzen duten klasifikazioa konparatuko da (1etik 15era; batez besteko
altuena duen itemari 1eko heina emango zaio eta batez besteko baxuena duenari
15eko heina). Heinaren araberako konparaketa honek, kasu bakoitzean itemek duten
garrantzia azaltzen du (ordena). Bestalde, Kolmogorov-Smirnov testak item batek bi
kasutan aurkezten duen puntuazioaren banaketaren konparaketa egitea ahalbidetzen
du (zenbatetan karakteristiko bezala aukeratua, zenbatetan ez aukeratua eta
zenbatetan ez karakteristiko bezala aukeratua).
2.3. ORDEZKAPEN TEKNIKA
Pertsonek galdesorta baten aurrean ematen dituzten erantzunak, hein handi
batean, testuinguruaren menpe daude (Rateau, 2002). Irudikapen sozialen teoriaren
barnean, sistema arauemailearen azterketarako hainbat ikerketek ordezkapen
teknika erabili izan dute (Campbell, Muncer, Guy eta Banim, 1996; Flament, 1999;
Guimelli eta Deschamps, 2000; Moliner, 2001). Gure kasuan, langabeziaren sistema
arauemailea erreferenteen bidez aztertu nahi izan da.
2.3.1. Teknikaren oinarriak
Flament-en (1999) esanetan, irudikapen sozialen ohiko ikerketetan
partehartzaileek ematen dituzten erantzun estandarrak, erreferentziazko taldeen
iritziak islatzen dituzte. Lan honetan Flament-ek ikasleek ikasketekiko duten
irudikapena aztertzen du. Partehartzaileei 15 item proposatzen dizkie eta
karakterizaziozko konsigna erabiliaz (jar ezazu + zeinua ikasketak gehien
karakterizatzen dituzten 5 itemen aurrean eta ondoren, jar ezazu – zeinua ikasketak
gutxien karakterizatzen dituzten 5 itemen aurrean). Lehenik partehartzaileei modu
estandarrean erantzutea eskatzen zaie eta ondoren testuingurua aldatzen da,
partehartzaileei erreferentziazko taldearengandik “ondo ikusia” edo eta “gaizki
ikusia” izango litzatekeen ikasle bat bezala erantzutea eskatzen zaie. Ikasketei loturik
89