genero- asimetria langabeziaren irudikapen sozialean - Euskara

TEORIATIK IKERKETA OBJEKTURA
Hiriak garrantzia irabazi zuen eta bertan gremioen papera nagusia zen. Prozesu
ekonomiko honek burgesiaren hazia jarri zuen, merkatariekin, jabegodunekin eta
artisau handiekin (Moreno, 2003).
Hainbat faktorek, maila ideologikoan (erreforma protestantea) eta
ekonomikoan (kapitalismoaren hazia), gizarte modernoa izango zenaren ardatzak
sortu zituzten. Faktore hauek esparru sozialetan, politikoetan eta ekonomikoetan
eragin zuten eta poliki-poliki antzinako erregimenaren oinarriak aldatuz joan ziren.
Garapen honek modernitatean lanaren inguruan dagoen kontzepzioari bide eman
zion, lana orden sozialaren ardatz eta, era berean, integrazio sozialaren bermatzaile
bihurtuz.
XVII. mendetik aurrera, ideologia liberalaren sendotzearekin batera,
ekonomia kontzeptua garatuz joan zen, izan ere, XVI. menderarte, ekonomia
etxearen administraziora mugatzen zen (Schumpeter, 1971, Moreno-k aipatua, 2003).
XVIII. mendetik aurrera, ekonomiak dimentsio berri bat hartu zuen eta gizarte
berriaren ardatza bihurtu zen. Lanak zientzia ekonomikoaren baitan funtsezko
papera betetzen zuen, eta gainera, ideia berrien legitimazio sozialerako diskurtsoan
elementu nagusia zen. Kapitalismoan industrializazioaren garapenak etxeko
industria gainditu eta desegin zuen. Prozesuan, nekazal ingurugiroetako emakume,
haur eta gizonek desplazamenduak jasan zituzten. Emakumeek langabeziarako joera
handiagoa zuten, nekazalgoaren kapitalizazioa zela medio. Hiriek eta herriek
kapitalismorako jasan zituzten eraldaketak eta nekazal guneetan emandako
eraldaketak erabat parekoak izan ez baziren ere, orokorrean esan daiteke
kapitalismoak gizonezkoak nagusi ziren familia-autoritate sisteman oinarrituaz aurre
egin zuela. Herri eta hirietan kapitalismorako trantsizioa eman aurretik, familia-
industria sistema bat zegoen. Artisau-familia oso batek etxean lan egiten zuen,
elkartrukerako ondasunen produkzioan. Helduak gremioetan antolatuak zeuden.
Gremioek, funtzio industrialez gain, funtzio sozial eta erlijiosoak betetzen zituzten.
Normalenean, gizon eta emakumeek jarduera desberdinak burutzen zituzten:
gizonek espezializatutako jardueretan ziharduten eta emakumeek lehen gaien
prestaketetan eta produktuaren akaberan. XVII eta XVIII. mendeetan, produkzio
eskaeraren handitzearekin batera, familia-industria sistemaren eta gremioen
55