genero- asimetria langabeziaren irudikapen sozialean - Euskara

16
LANGABEZIA FEMENINOA ETA MASKULINOA: GENERO-ASIMETRIA …
Irudikapen sozialen oinarri eta eragin teorikoak ikusi ondoren, irudikapen
sozialaren kontzeptua zehazten saiatuko gara. Hau da, batetik, irudikapen sozialen
definizioari eta sorrerazko baldintzei helduko zaie eta bestetik, irudikapen sozialen
teoriak izan dituen garapen ezberdinen artean, gure ikerketarako erabilitako Gune
Zentralaren Teoriaren nondik norakoak aurkeztuko dira.
2.3. IRUDIKAPEN SOZIALEN BEREIZGARRITASUNA
Irudikapen sozialaz hitz egiterakoan, kontutan hartu beharra dago talde oso
batek partekatua dela, kolektiboki sortua eta bere funtzio nagusia, jokaera eta
komunikazio sozialen eraketa eta orientazioa bideratzea dela (Moscovici, 1986).
2.3.1. Kontzeptua
Irudikapen sozialaren definizioa ematea ez da lan erraza, literaturan zehar
hainbat saiakera aurki daitezke. Lan honetan, definizio ezberdinen azterketan
sakonduko ez bada ere, landuko den kontzeptuaren nondik norakoak zehazten
saiatuko gara. Honetarako, jarraian, irudikapen sozialen inguruko definizio
sistematizatu eta komun bat lortzearren Jodelet-ek (1989) eginiko proposamenarekin
batera, berriki Abric-ek (2003) eta Flament eta Rouquette-k (2003a) luzatutakoak
azalduko dira.
Jodelet-en esanetan (1989), irudikapen sozialak eguneroko errealitatea
interpretatzeko eta pentsatzeko moduak dira, hau da, ezagutza soziala osatzen dute.
Ezagutza hau gure esperientzien bitartez eratzen da, baina era berean, tradizioz,
heziketaren bidez, komunikazio sozialaren bidez transmititzen dugun eta jasotzen
dugun informazioa, ezagutza eta pentsamoldeak dira. Irudikapen sozialen inguruko
definizioari dagokionez, honako proposamena luzatzen du: “C´est une forme de
connaissance, socialement élaborée et partagée, ayant une visée pratique et
concourant à la construction d´une réalité commune à un ensemble social” (Jodelet,
1989, 36 or.).
Abric-ek proposatutako definizioari jarraiki, “Une représentation sociale est
un ensemble organisé d´informations, d´opinions, d´attitudes et de croyances à
propos d´un objet donné. Socialement produite, elle est fortement marquée par des