genero- asimetria langabeziaren irudikapen sozialean - Euskara

HURBILPEN TEORIKOA
• Egoera baten helburua definitzen dute, egokiak diren harreman motak
zehaztuaz, adibidez.
• Aurreikuspen eta igurikimen sistema bat osatzen dute, gure inpresioak,
ebaluazioak, jokaerak eta jokamoldeak bideratuaz.
• Irudikapen sozialek, jokamolde eta praktikak arautzen dituzte. Egoera
konkretu batetan, zilegi dena edota onartezina dena definitzen dute,
arauen papera jokatuz.
4. Funtzio justifikatzailea: Irudikapen sozialek burututako jokamoldeak eta
posizionamenduak justifikatzea ahalbidetzen dute. Ekintza bera mugatzeaz
gain, ekintza ondoren esku hartzen dute, aktoreei beraien jokaerak azaltzen
eta justifikatzen lagunduz. Funtzio honen bidez, desberdintasun soziala,
maila handi batean, mantentzen edota indartzen da.
3. IKERKETA-PROZESUAK ETA IRUDIKAPEN
SOZIALAK
Atal honetan, irudikapen sozialen dinamikei helduko zaie, bi alderdi nagusiri
arreta eskainiz. Batetik, aldaketa prozesuetan irudikapen sozialen eta praktika
sozialen arteko harremanari helduko zaio eta, bestetik, irudikapen sozialen
dinamikan sistema arauemaileak jokatzen duen papera aztertuko da.
3.1. ALDAKETA-PROZESUAK
Irudikapenen egonkortasun edota aldakortasunaren inguruko kezka
irudikapen sozialen teoriaren hastapenetatik egon da. Izan ere, irudikapen kolektibo
kontzeptutik irudikapen sozialen kontzeptura igarotzean, aldakortasuna eta
dinamikotasuna gailentzen baita. Hala ere, irudikapen sozialen dinamikaren gaia ez
da sarritan aztertua izan (Moliner, 2001). Irudikapen sozialak, bizitza sozialeko
elementuak diren neurrian, ezin dira entitate aldaezintzat hartu. Historikotasunak
irudikapena markatzen du bere sorreran, adierazpenean eta eraldaketan ere bai
(Flament eta Rouquette, 2003b). Irudikapen sozialen dinamikaz hitz egitean, Bonardi
eta Roussiau-k (1999) elkarren artean harremanean dauden hiru esparru bereizten
27