genero- asimetria langabeziaren irudikapen sozialean - Euskara

ONDORIOAK ETA EZTABAIDA
lehentasunez adierazitakoak izateaz gain, kategoria konexuenak baitira. Langabezia
Maskulinoa Lanarekiko Harremanaren, Alderdi Ekonomikoen, Pribazioaren eta
Alderdi Indibidualen inguruan egituratzen da. Langabezia Maskulinoaren kasuan,
langabezia orokorrean agertzen diren dimentsioez gain, dimentsio indibidualak
berebiziko pisua hartzen du. Bestalde, langabezia femeninoari dagokionez,
lehentasunez adierazitako kategoria partekatuenak, Lanarekiko Harremana, Familia
eta Alderdi Sozialak dira. Dimentsio hauek beste dimentsioekin mantentzen duten
harreman maila aztertzeko burututako kookurrentzia analisietan, Lanarekiko
Harremanaren dimentsioaren zentraltasuna agerian jarri da. Hau da, lanaren
dimentsioa da beste dimentsioekin lotura gehien mantentzen duena. Langabezia
femeninoaren kasuan, langabezia orokorrean eta maskulinoan dimentsio
ekonomikoak duen zentraltasuna neurri batean galtzen dela esan daiteke eta, era
berean, emakumeenganako berezitasunak indarra hartzen duela. Izan ere, lanaren
zentraltasunaz gain, alderdi sozialak -emakumeenganako diskriminazioa- eta
familiarrak -emakumeen rol tradizionalak- pisua hartzen dute.
Gogora-ekartzeko galderetan, langabezia orokorraren, maskulinoaren eta
femeninoaren baitan elementu komunak aurkitu dira. Hau da, langabezia bere
definizio instituzionalaren eta dakartzan zailtasun ezberdinen inguruan antolatzen
da. Langabetua enplegurik ez duen eta enplegua bilatu behar duen pertsona izateaz
gain, langabeziaren ondorioak pairatzen dituen pertsona da, maila ekonomikoan
batik bat. Bestalde, analisi kategorialean burututako kookurrentziako similitude
analisietan, lanaren dimentsioaren zentraltasuna agerian jarri da, bai langabezia
orokorrean, bai langabezia maskulinoan bai eta langabezia femeninoan ere.
Elementu zentral komun hauetaz gain, zenbait elementu bereizgarri nabarmendu
dira langabezia femeninoaren eta maskulinoaren artean. Desberdintasun hauek, Aix-
en-Provence-ko eta Baiona-Bidarteko datuen antzera, genero-asimetriari heltzen
diote. Langabezia maskulinoaren kasuan dimentsio indibidualak indarra hartzen du,
bai kausalitateei dagokienean baita ondorio indibidualei dagokienean ere. Gainera,
langabeziak maila indibiduala gainditzen du, familiarengan kalteak eragin
baititzake. Langabezia femeninoaren kasuan berriz, alderdi indibidualak indarra
galtzen du eta emakumea familiarekiko duen rol tradizionala nagusitzen da.
263