genero- asimetria langabeziaren irudikapen sozialean - Euskara

HURBILPEN TEORIKOA
valeurs correspondant au système socio-idéologique et à l´histoire du groupe qui la
véhicule pour lequel elle constitue un élément essentiel de sa vison du monde”
(Abric, 2003, 59 or.). Autore honen arabera, irudikapen sozialen bidez, gizakiak
aurrean duen errealitatea eraiki eta esanahiaz janzten du. Irudikapena ez da
errealitatearen isla soila, bere esanahia, batetik, faktore kontingenteen menpekoa da -
egoeraren izaera eta premiak- eta, bestetik, egoeraz gaindiko faktore orokorragoen
menpekoa -testuinguru sozial eta ideologikoa, gizabanakoak antolakuntza sozialean
duen lekua, gizabanakoaren eta taldearen historia, erronka sozialak- (Abric, 1994a).
Flament eta Rouquette-k, “Anatomie des idées ordinaires” izenburupeko
lanean, hiru definizio maila proposatzen dituzte, deskriptiboa, kontzeptuala eta
operazionala (Flament eta Rouquette, 2003a). Lehenengoan, irudikapen sozialak
mundua ikusteko modua bezala definitzen dira, judizio eta ekintzetara bideratuak.
Ikusteko modu honen izaera soziala azpimarratzen da. Bigarrenean, irudikapen
sozialak objektu batekiko ezagutza, jarrera eta sinesmen multzo bezala definitzen
dira. Bertan, jakintzak, posizionamenduak, balioak, arauak, etab. aurkitzen dira.
Azkenik, irudikapen sozialak elkarren artean harreman loturak dituzten elementu
kognitibo multzo bezala definitzen dira. Elementu eta harreman hauek talde jakin
baten lekukotasuna daramate. Hiru definizio maila hauek osagarriak izan daitezke,
ikerketaren momentu eta azalpen maila ezberdinei erreferentzia egiten dietelarik.
2.3.2. Sorrerarako baldintzak
Moscovici-k (1961/1976) irudikapen sozialaren sorreran hiru beharrezko
baldintzaz hitz egiten du:
1. Informazioaren dispertsioa: irudikapen objektua taldeen errealitatean sartuta
aurkitzen bada ere, aurkezten duen informazio maila osatugabea da. Hau da,
objektua azaltzen den testuinguruan berekiko informazioa neurri batean
absentea, eskuraezina edota ulertezina da.
2. Fokapena: gizabanakoa edota taldea, interakzio sozialean inplikatua dagoen
neurrian, judizio eta iritziak bultzatuaz, bere interesen arabera fokatzen da.
Fokapena talde pertenentziaren arabera gizabanakoarengan ematen diren
interes partikularren araberako inplikazio bezala uler daiteke.
17