genero- asimetria langabeziaren irudikapen sozialean - Euskara

246
LANGABEZIA FEMENINOA ETA MASKULINOA: GENERO-ASIMETRIA …
Gogora-ekartzeko hitzen kategorizazioan burututako kookurrentziazko
similitude analisietan, langabezia lanaren inguruan egituratzen dela nabarmendu da.
Gizon langabetuaren kasuan gainera, alderdi indibidualak azpimarratzen dira eta
emakumeen kasuan, berriz, dimentsio familiarraren pisua nagusitzen da.
Bestalde, karakterizazio galdesortetan langabezia -orokorra, maskulinoa eta
femeninoa- arazo ekonomikoekin, estutasunarekin eta bazterketa sozialarekin lotua
agertzen da. Erreferenteen bidezko sistema arauemaileari dagokionez,
berdintasunaren diskurtsoa langabezia maskulinoaren kasuan gailentzen da eta
langabezia femeninoaren kasuan, aldiz, bi diskurtsoen presentzia ematen da. Hau
da, ikasleek berek emandako erantzunak, langabezia maskulinoaren kasuan,
diskurtso Sindikaletik hurbil aurkitzen da eta ez ordea Ugazabak emandako
diskurtsotik. Langabezia femeninoaren kasuan, berriz, bi diskurtsoen presentzia
ageria da, bai Feministarena bai Ugazabarena. Langabezia femeninoaren aurrean,
ikasleek dualtasuna erakusten dute, emakumeenganako diskriminazioa salatuaz eta
era berean, emakumeak diskriminatuaz, langabetu faltsutzat hartzen baitituzte,
beraien egoera ez hain larritzat joaz.
Errefusapen galdesortetan, langabezia maskulinoan eta femeninoan hiru
elementuen zentraltasuna berretsi da. Hau da, pertsona langabetuak arazo
ekonomikoak dauzka, sozialki baztertua sentitzen da eta enplegua bilatzen du.
Bestalde, elementu zentraletatik gehien aldentzen diren estatusei dagokienez, zenbait
desberdintasun aurkitu dira gizon eta emakume langabetuaren artean. Hau da,
errefusapen maskulinoan gehien urruntzen den estatusa jabearena da eta errefusapen
femeninoan etxekoandrearena. Hau da, jabeak ez du arazo ekonomikorik, ez da sozialki
baztertua sentitzen eta ez du enplegurik bilatzen. Errefusapen femeninoaren kasuan
gainera, etxekoandreak ez du arazo ekonomikorik, ez da sozialki baztertua sentitzen
eta ez du enplegurik bilatzen. Informazio hau, langabezia femeninoari buruzko
gogora-ekartzeko galderan lortutako informazioarekin erkatuz gero, kontraesan
baten aurrean kokatzen gaitu, Aix-en-Provence-ko ikasleen kasuan gertatzen den
bezalaxe. Hau da, ikasleei emakume langabetu baten aurrean burura datozkien hitz
eta espresioak plazaratzea eskatzen zaienean, etxekoandrea dela esaten dute, baina
errefusapen galdesortetan etxekoandre batek langabetua izateko baldintzak betetzen