genero- asimetria langabeziaren irudikapen sozialean - Euskara

IKERKETAREN EMAITZAK
(“rechercher un emploi”, “trouver un emploi”) eta bigarren maila batean
enpleguaren pribazioa adierazteko (“sans emploi”).
2. Zailtasunak adierazten, “difficultés” eta “problèmes” hitzak daude.
“Difficultés” hitza batez ere, emakumeek bereziki topatzen dituzten
zailtasunekin lotuta dago (“plus de difficultés à trouver un emploi”) eta
“problemes” hitza batez ere, alderdi ekonomikoekin lotua (“problèmes
financièrs”, “problèmes d´argent”).
3. Alderdi ekonomikoan prekaritateari erreferentzia egiten “précarité” hitza
dago.
4. Gabezia adierazten, “sans” eta “pas” hitzak ditugu.
5. Kategoria sozialetan, “homme” eta “femme” hitzak daude. “Femme” hitzak
langabezia bizi duen pertsonari dagokio eta planteatu den galderarekin bat
datorren hitz errepikakorra kontsidera daiteke. Bestalde “homme” hitza,
emakume langabetu baten inguruan galdetzerakoan konparatiboki
gizonenganako erreferentzia egiten denaren adierazlea da.
6. Dimentsio familiarrean “famille”, “enfants” eta “femme au foyer” hitzekin,
emakumearen rol tradizionala azaltzen da.
7. Alderdi sozialetan, batetik “exclusion” hitza ondorio sozialei erreferentzia
eginez eta bestetik, “inégalité” hitza emakumeen langabeziaren kausalitate
soziala azaleraziaz.
8. Dimentsio deskribatzailean, plus hitza ageri da emakumeen berezitasuna
nabarmentzen (“plus de difficultés”, “plus fréquent”).
Langabezia femeninoaren kasuan gune zentrala langabeziaren definizioaren
inguruan, langabezian egoteak dakartzan zailtasunetan eta dimentsio familiarrean
oinarritzeaz gain, generoarekiko berezitasunean egituratzen da. Hau da, emakume
langabetua enplegurik gabe eta enplegu bila dabilen emakumea da eta langabezian
egoteak zailtasunak dakarzkio. Zailtasun hauek emakumea izanagatik ematen eta
areagotzen dira (plus de difficultés, inégalité) eta, era berean, emakumea izanagatik
arintzen dira (esaterako, “c´est une femme au foyer”, “peut élever ses enfants”).
117