genero- asimetria langabeziaren irudikapen sozialean - Euskara

IKERKETAREN EMAITZAK
2. Grafikoa: Aix-en-Provence-ko taldean langabezia orokorraren kategorien
arteko inplikazio harremana (portzentajetan)
Langabezia maskulinoa
Kategorien barne-azterketa
Langabezia maskulinoaren kasuan kategorizazioa hitzen % 70,5arekin burutu
da. Ondoko tauletan, kategoria ezberdinak langabezia maskulinoaren kasuan
aurkezten duten izaeraren arabera sailkatuak aurkezten dira.
Balizko kategoria zentralei heltzeko, kategoria partekatuenetan eta
lehentasunez adierazitakoetan arreta ipiniko da. Kategoria partekatuenak,
Lanarekiko Harremana (1), Alderdi Ekonomikoak (4) eta Alderdi Indibidualak (10)
dira eta lehentasunez aipatutako kategoriak (heinaren mozketa puntua =< 3),
Lanarekiko Harremana (1), Zailtasunak (3), Alderdi Ekonomikoak (4), Formazioa (8),
Alderdi Indibidualak (10), Kategoria Sozialak (11) eta Alderdi Deskribatzaileak (13)
dira. Beraz, bi irizpideak betetzen dituzten kategoriak 1a, 4a eta 10a dira. Hau da,
Lanarekiko Harremana (1), Alderdi Ekonomikoak (4) eta Alderdi Indibidualak (10).
Lanarekiko Harremana kategoria 28 hitz ezberdinez osatuta dago,
ebokazioen % 10a barneratzen du, adostasun maila altua du (% 72,6) eta pertsonen %
52,5ak erabili du eta gainera, lehentasunez aipatutako hitzekin osatutako kategoria
da (batez besteko heina = 2,7). Alderdi Ekonomikoak kategoria 24 hitz ezberdinez
151