genero- asimetria langabeziaren irudikapen sozialean - Euskara

44
LANGABEZIA FEMENINOA ETA MASKULINOA: GENERO-ASIMETRIA …
dutenak eta emakumeei dagokienez, talde meneratuaren baitan esku hartzen duten
jarrera eta pentsamoldeak barneratzea dakartenak (Tafani eta Bellon, 2001).
Homologia estrukturalaren printzipioak (Bordieu, 1977; Lorenzi-Cioldi, 1988)
lotura egiten du egitura sozialaren eta egitura kognitiboen artean, azken hauek
gizabanakoak egitura sozialean duen posizioaren ondorio direlarik. Beste era batera
esanda, irudikapenak eratzen dituzten gizabanakoen posizio meneratu edota
meneratzailearen arabera partzialki mugatuta daude. Izan ere, “le statut agit sur la
manière dont les individus se représentent le groupe, sur la manière dont ils se
conçoivent autrui, et sur les rapports que le groupe entretien avec d´autres groupes”
(Lorenzi-Cioldi eta Doise, 1994, 91or.). Talde arteko irudikapenak talde batzuek beste
taldeekiko emandako judizioen bidez eratzen dira eta judizioak talde hauen arteko
harremanen izaeraren arabera mugatuta daude. Hau dela eta, esan daiteke talde
arteko irudikapenek dominazio sozialeko egoerei eusten dietela (Vinet eta Moliner,
2006).
Genero-asimetriaren printzipio antolatzailea, gizonek emakumeekiko duten
dominaziozko harremana dela esan daiteke (Daune-Richard eta Hurtig, 1995). Hurtig
eta Pichevin-en (1985) generoen eraikuntza sozialerako azterketan egindako
hurbilpen sozio-kognitiboak, sistema androzentrikoa du ardatz. Autoreek, bi genero-
kategorien arteko botere harremana azpimarratzen dute, maila kognitiboan eta
sozialean, botere harreman honek antolakuntza sozialean duen izugarrizko eragina
azpimarratzearekin batera. Hainbat ikerketek ohartarazi dute, sistema
androzentrikoan, gizonezkoek erreferente papera jokatzen dutela. Daune-Richard eta
Hurtig-en arabera (1995) asimilazioaren ondorioz ematen diren asimetriak genero
sistemaren gune gogorra osatzen dutela azpimarratzen dute. Hurtig eta Pichevin-en
hitzetan, “Dans la représentation des sexes, le sexe féminin se définit en fonction du
sexe masculin, mais non le sexe masculin en fonction du sexe féminin. Le sexe
masculin est le référant unique. Il joue le rôle de noyau central de la représentation”
(Hurtig eta Pichevin, 1985, 217 or.). Pichevin-ek (1995) bi generoen arteko
harremanen oinarrian, genero maskulinoa asimilazio androzentrikoaren
erreferentzia-puntu kognitiboa dela ondorioztatzen du: “Il sert de modèle, de
prototype du genre humain. Et en ce sens, il fonctionnerait plus comme une catégorie