genero- asimetria langabeziaren irudikapen sozialean - Euskara

82
LANGABEZIA FEMENINOA ETA MASKULINOA: GENERO-ASIMETRIA …
programaren irteerak eskaintzen du. Hala ere, mozketa-puntuak aztertu behar
ditugun datuen izaeraren araberakoak dira eta maiztasunen eta heinen arteko
banaketa argia lortzen saiatu behar da, batez ere hitz zentralak eta azalaldekoak
bereizterako orduan (Arrospide eta Larrañaga, 2005).
Azkenik, gizonezkoek eta emakumezkoek emandako hiztegia konparatzeko,
“Complex” programaz baliatu gara. Programa honi esker bi fitxategi ezberdinen
hitzak konparatzen dira. Batetik, fitxategi bakoitzari esklusiboki dagozkion hitzak
identifikatzen dira eta, bestetik, bi fitxategiek komunean dituzten hitzak azaltzeaz
gain, erabilpen proportzioaren araberako konparaketa egiten da (Student t-a).
- Analisi kategoriala
Analisi kategoria hitz guztiekin burutzen da. Gogora ekarritako hitzak
taldekatzeko sortzen diren kategoriak analisi prototipikoan identifikatutako
maiztasun handiko hitzen eremu semantikoa jarraituz burutu da (Vergès, 1992).
Sortutako kategorien azterketa bi mailetan burutzen da. Batetik, sortutako
kategorien barneko analisia eta bestetik kategorien arteko analisia, zehazki similitude
analisia.
Kategoria barneko analisirako Evoc2003 programa-multzoa erabili da (ikus 2.
Irudian, Evoc2003 euskarazko bertsioaren aurre-bistaratze orokorra). Hitzak
kategoriaka sailkatu ondoren (“Catevoc” programaren bidez), “Statcat”
programarekin informazio desberdinak lortzen dira. Kategoria bakoitzak dauzkan
hitz kopurua, kategoria bakoitzaren gertaldi kopurua eta maiztasun handiko hitzen
gertaldiak. Honela, kategoriaren kalitatearen adierazle bat lortzen da. Hau da,
kategoria maiztasun handia duten hitz gutxirekin osatua dago edota maiztasun
txikiko hitz askorekin. “Discat” programarekin kategoria bakoitzaren heinaren
banaketa lortzen da eta hitzekin egiten den moduan lehentasunaren arabera kalifika
daiteke. Bestalde, “Catini” programaren irteerak, kategorien arteko harremana
aztertzeko aukera emateaz gain, kategoriekiko informazio osagarriak eskaintzen
ditu: kategorien garrantzia, kategoria aipatu duten pertsonen portzentajea emanez
eta erredundantziaren pisua, hau da, kategoria bitan edo gehiagotan pertsona berek
aipatu dutenen portzentajea.