genero- asimetria langabeziaren irudikapen sozialean - Euskara

TEORIATIK IKERKETA OBJEKTURA
sturdy beggars (lanerako gai diren eskaleak eta moral gabekoak). Lehenengoek
gizartearen ulermena, gupida eta karitatea jasotzen zuten; bigarrenek lanerako
mobilizatuak izaten ziren, ordea. Esleitzen zitzaien lanpostua onartu ezean, zigorra
jasotzen zuten. Arau honen jatorrian zegoen egoera eta beharrak gaindituta ere,
aldarrikapenak aurre egiten du, beste hainbat legegintzako xedapenekin osatuz eta
beste hainbat herrialdetara zabalduz. Moral protestanteak nagikeria kondenatzen
duen bezalaxe, XVII. mendeko Frantzian poliziaren ordenantzak eskekotza eta
bizioak ekiditera bideratuak zeuden, aztorapen guzien oinarritzat jotzen baitziren.
Aberastasuna lanarekin lotzen zihoan heinean, txiroaren irudiak nagikeriarekin bat
egin zuen. Pobrezia lan ez egitearen ondoriotzat jotzen zen eta, beraz, lan eginez
konpontzen zen. Testuinguru honetan, Ingalaterran 1905ean, langile langabetuen
akta aurrera eraman zen. Bertan, txiro gai eta txiro ez-gaien arteko bereizketa
berreskuratu eta eguneratu zen. Sturdy beggar berriak langabezian egotea aukeratzen
zuten pertsonak ziren, gizarte segurantzaren lepotik bizi nahi zutenak. Deserving poor
berriak lan egin ezin zuten langabetuak ziren, faktore estrukturalak zirela medio
edota lanerako gaitasun ezak bultzatuta.
Gaur egungo langabetuaren estereotipoak antzinako esanahiak laburbiltzen
ditu. Pentsamolde modernoak txiroaren aurpegi bikoitza mantentzen du.
Behartsuarena batetik, bere zoritxarreko egoera dela eta, gupida edota jokaera
solidarioa pizten duena, eta bestetik eskalearena, bere irudi bizkarroiarengatik
jendearengan bazterketa eragiten duena. Hau da, langabetua txiro on eta txiro gaizto
bezala agertzen da. Bestalde, desenpleguaren osagai psikosozialean,
indibidualismoaz hitz egitea ezinbestekoa da. Ikuspuntu honetatik, langabetua bere
egoeraren arduraduna da, bai berarenganako baita besteenganako ere. Izan ere,
langabetuak ez du jakin (ezin izan du edota ez du nahi izan), egokitzeko
beharrezkoak diren baliabideak maneiatzen (Blanch, 1990). Gainera, gizarteak
langabetuak gain estigmatizatzen ditu (Fourgère, 1996), proposatzen dien eredu
normatiboak indibidualismo negatibo batera bultzatzen dituelarik (Castel, 1995).
Desenpleguarekin lotuta dagoen gai inportantea azpi-enplegua da. Azpi-
enpleguaren baitan egoera desberdinak koka daitezke: norberaren kalifikazio
profesionalari legokiokeena baino baxuagoko postu batean jardutetik, lanaldi osoko
61