genero- asimetria langabeziaren irudikapen sozialean - Euskara

80
LANGABEZIA FEMENINOA ETA MASKULINOA: GENERO-ASIMETRIA …
Maiztasun altua
Maiztasun baxua
Hein baxua Hein altua
Balizko elementu
zentralak
Lehen periferia /
Gutxiengo baten
diskurtsoa
Lehen periferia
Bigarren
periferia
2. Koadroa: Hitzen maiztasunaren x heinaren batez bestekoaren
gurutzaketa
Hitzak edota adierazpenak gune zentralekoak izan daitezkeenaren hipotesia
luzatzeko, bi baldintza bete behar dituzte: lehen tokietan adieraziak izan (hein
baxua) eta maiztasun handikoak. Honek ez du esan nahi, bi baldintza hauek betetzen
dituzten elementu guziak gune zentralekoak direnik. Elementu batzuk azalaldeko
elementu aktibatuak edo eta erantzun estereotipatuak izan daitezke (Flament eta
Rouquette, 2003e). Azalaldeko elementuei dagokionez, maiztasun eta heinaren
arteko gurutzaketak hiru aukera ematen dizkigu: batetik, maiztasun baxuko eta hein
altuko hitz edo eta esamoldeak, hauek irudikapenaren elementu azalaldekoenak
dira, bigarren periferia deiturikoa osatzen dutenak. Beste bi kasuetan, bi adierazleen
arteko inkongruentzia azaltzen duten elementuak ditugu. Hau da, batetik, maiztasun
handiko eta hein altuko elementuak daude eta bestetik, maiztasun txikiko eta hein
baxuko elementuak. Azken kasu honetan, gutxiengo baten diskurtsoaren aurrean
egon gaitezke (Abric, 2003). Bestalde, Vergès-en esanetan, adierazleen arteko
inkongruentzia ematen den bi kasu hauetan aurki daitezke aldaketaren aztarnak
(Vergès, 1994).
Teknika honekin beraz, gune antolatzaileari buruzko informazioa jasotzen da
eta azalalde desberdinen izaera definitzen da (Vergès, 1995). Analisi maila honi,
hurbilpen prototipikoa deritzaio (Bonnec, Roussiau eta Vergès, 2002; Vergès, 1992).
Asoziazio askearen bidez lortutako datuak, era berean, kategorizazio baten bidez
landu daitezke. Kategorien bidezko analisia (analisi kategoriala), ikertzaileak
gidatzen du eta gune zentraleko elementuek irudikapena antolatzen dutenez (Abric,
1994a), analisi kategoriala burutzerakoan, hasiera batean analisi prototipikoan
lortutako dimentsioei heldu behar zaie (Arrospide eta Larrañaga, 2005; Vergès, 1992).