genero- asimetria langabeziaren irudikapen sozialean - Euskara

HURBILPEN TEORIKOA
zuzen ere (Abric, 2001). Beraz, sistema zentralean bi motatako elementu bereizten
dira: nagusiak eta laguntzaileak. Ideia hau argitzeko ikus dezagun “adiskidetasun
talde idealaren” adibidea. Adiskidetasun talde idealaren irudikapenean, gune
zentraleko bi elementu identifikatu izan dira: laguntasuna eta berdintasuna. Bi
elementu hauen garrantzi maila neurtzeko, baliabide ezberdinak daude (Abric, 2001).
“Errefusapen” teknika erabiliaz adibidez (teknikaren xehetasunak, ikus hurbilpen
metodologiko ataleko 2.4 puntuan), bi proposamen ezberdin burutzen dira. Batetik,
taldea lagun-talde bezala definitzen da, baina berdintasunik gabekoa eta, bestetik,
taldea berdintasunezko talde bezala definitzen da, baina laguntasunik gabekoa.
Azken kasu honetan, taldea laguntasunik gabekoa definitzerakoan, “talde idealaren”
ideiatik gehiago urruntzen da, lehen kasuan baino. Ondorioz, laguntasuna elementu
zentral nagusitzat hartzen da eta berdintasuna elementu zentral laguntzailetzat.
Bestalde, azalaldeko sistemaren elementuei dagokienez, hauek ere hierarkizatuak
aurkitzen dira. Gunetik gertu agertzen direnean, irudikapenaren esanahia zehazteko
rol garrantzitsua betetzen dute eta, urrunago agertzen direnean, esanahi hau jantzi
edo justifikatu egiten dute (Abric, 1994a). Bestalde, azalaldeko sistemaren barnean
aintzat hartzekoa da noizbait elementuren bat gain-aktibatua ager daitekeela,
zentraltasun ezaugarrien tokian alegia (Flament eta Rouquette, 2003a).
Sistema zentrala eta azalaldeko sistemaren ezaugarri nagusiak, Abric-ek
(1993) proposaturiko eskema honetan laburbildu daitezke.
Sistema Zentrala Azalaldeko Sistema
Taldearen historia eta oroimenari lotua Gizabanakoaren esperientzien eta
bizipenen barneratzea ahalbidetzen du
Kontsentsuzkoa
Taldearen homogeneotasuna definitzen
du
Egonkorra
Koherentea
Zorruna
Berehalako testuinguruarekiko ez (oso)
sentikorra
Taldearen heterogeneotasuna
barneratzen du
Malgua
Funtzioak: Funtzioak:
Kontraesanak jasaten ditu
Berehalako testuinguruarekiko
sentikorra
25