genero- asimetria langabeziaren irudikapen sozialean - Euskara

202
LANGABEZIA FEMENINOA ETA MASKULINOA: GENERO-ASIMETRIA …
Langabezia orokorraren kasuan bi itemen artean aurkitu dira desberdintasun
esanguratsuak. Gizonezkoek “Bikotean tentsioak sor ditzake” itema
karakteristikoagotzat jotzen dute (K-S = 0.15; p < .05). Hala ere, item honek ez ditu
karakteristikotzat hartzeko baldintzak betetzen, gizonezkoen % 41,5ak soilik
karakteristikotzat aukeratzen baitu. Bestalde, emakumezkoek “Gurasoak ez dira
seme-alabentzako eredu” itema gizonezkoek baino ez karakteristikoagotzat daukate
(K-S = 0.15; p < .05). Langabezia maskulinoaren kasuan bi itemen artean aurkitu dira
desberdintasun esanguratsuak. Emakumezkoek “Bikotean tentsioak sor ditzake”
itema karakteristikotzat duten bitartean, gizonezkoek ordea ez (K-S = 0.25; p < .01)
eta bestalde, gizonezkoek “Aita ez da seme-alabentzako eredua” itema ez
karakteristikotzat duten bitartean, emakumezkoek ordea ez (K-S = 0.22; p < .05).
Langabezia femeninoari dagokionez, desberdintasun esanguratsuak hiru itemen
artean aurkitu dira. Emakumezkoek “Arazo ekonomikoak” itema
karakteristikoagotzat dute (K-S = 0.20; p < .1). Zehazki, emakumezkoen % 81.1ak
item karakteristikotzat aukeratu du eta gizonezkoen kasuan % 60,7ak. Era berean,
emakumezkoek “Edozein lan onartu” itema karakteristikotzat aukeratu dute eta
gizonezkoek ordea ez (K-S = 0.20; p < .05). Azkenik, “Ama ez da seme-alabentzako
eredua” itema, emakumezkoek ez karakteristikoagotzat jo dute ( K-S = 0.20; p < .05).
Karakterizazio estandarretan lortutako informazioa laburbilduz, langabezia
orokorraren, maskulinoaren eta femeninoaren kasuan hiru elementu karakteristiko
nabarmendu dira: “Arazo ekonomikoak”, “Estutasuna, estresa sortzen du” eta
“Bazterketa soziala”. Hala ere, zehaztu beharra dago “Bazterketa soziala” eta “Arazo
ekonomikoak” langabezia orokorraren kasuan karakteristikoagotzat jotzen direla.
Bestalde, “Norbere burua zalantzan” jarri itema, karakteristikotzat hartzen da
langabezia maskulinoaren eta langabezia femeninoaren kasuan. Langabezia
maskulinoari gainera, “Bikotean tentsioak sor ditzake” itema gehitzen zaio (gogora
dezagun item hau batez ere emakumezkoek karakteristikotzat aukeratzen dutela).
Hiru kasuetan bi item ez karakteristiko aukeratzen dira: “Lagunak galdu” eta
“Gurasoak ez dira seme-alabentzako eredu”. Langabezia maskulinoaren kasuan
gainera, ez karakteristikotzat “Babes sozialaren menpekoa” izatea jotzen da eta
langabezia femeninoaren kasuan berriz, “Lan bilakuntzarako motibazio eskasa” ez
karakteristikotzat jotzen da.