genero- asimetria langabeziaren irudikapen sozialean - Euskara

244
LANGABEZIA FEMENINOA ETA MASKULINOA: GENERO-ASIMETRIA …
langabetuaren egoerak bazterketa soziala eta estutasuna itemetan elkarren artean
bereizten dira. Langabezia maskulinoan, alderdi sozialei garrantzia ematen zaie eta
langabezia femeninoan alderdi psikologikoetan arreta ipintzen da.
Itemen zentraltasuna berresteari dagokionez, errefusapen galdesortetan
“arazo ekonomikoak”, “bazterketa soziala” eta “enpleguaren bilakuntza”-ren
zentraltasuna berretsi da, bai langabezia maskulinoan bai langabezia femeninoan.
Hala ere, item hauetatik gehien aldentzen diren estatusei dagokienez, kasu
maskulinoaren eta femeninoaren artean aurkitutako desberdintasunak aipatzekoak
dira. Izan ere, errefusapen maskulinoan elementu zentraletatik gehien aldentzen den
estatusa jabea-rena da; errefusapen femeninoan, aldiz, etxekoandrea-ren estatusa
aldentzen da gehien. Datu hauek, gizon eta emakume estatusen arteko ñabardurak
azaltzeaz gain, langabezia femeninoaren kasuan gogora-ekartzeko galdesortan
lortutako informazioa interpretatzeko aukera eskaintzen du. Hau da, emakume
langabetuari buruzko gogora-ekartzeko galderan emakume langabetua, besteak
beste, etxekoandre izendatzen da eta errefusapen femenino galdesortetan argi geratu
da, etxekoandreak ez dituela langabetuaren elementu zentralak partekatzen. Hau da,
etxekoandreak ez du arazo ekonomikorik, ez da sozialki baztertua sentitzen eta ez du
enplegurik bilatzen.
Langabezia, beraz, bere definizioaren inguruan antolatzen da. Hau da,
langabezia enplegurik gabe aurkitzea da. Enplegu gabezia nabarmena duen egoera
honek maila ezberdinetan zailtasunak sortarazten ditu, alderdi ekonomikoei
dagokienez batez ere. Gainera, langabezia orokorretik pertsonen egoerara
hurbiltzerakoan, irudikapena hainbat elementu zehatzekin horniturik aurkeztu da.
Oro har, langabetua, enplegurik ez duen eta arazo ekonomikoak dauzkan pertsona
izateaz gain, enplegua bilatu beharra dauka. Bestalde, enplegua bilatzeko beharrik ez
duen gizonezkoa jabe estatusarekin lotzen da eta enplegua bilatzen ez duen
emakumeari etxekoandrearen papera esleitzen zaio. Estatusen arteko desberdintasun
hau gogora-ekartzeko galderetan eta karakterizazioko galdesortetan topatutako
desberdintasunekin aberastuta dago, lanaren banaketa sexualaren eragina oraindik
ere nabarmenagoa egiten. Gizon langabetua emakumea baino ardura handiagorekin
ikusten da, bere langabetu egoerak familiari kalte egin diezaioke eta. Emakumeen