genero- asimetria langabeziaren irudikapen sozialean - Euskara

138
LANGABEZIA FEMENINOA ETA MASKULINOA: GENERO-ASIMETRIA …
librearekin lotua dagoena (“tiempo libre”).
8. Dimentsio indibidualean, “vago” hitza dago, langabetuaren estereotipo
negatiboa azalerazten duena.
Langabezia maskulinoaren kasuan, gune zentrala langabeziaren definizioan,
langabezian egoteak dakartzan zailtasunetan eta dimentsio familiarrean izan
ditzakeen eraginetan oinarritzen da. Hau da, gizon langabetua, enplegurik ez duen
eta enplegua bilatzen duen gizona da. Langabezian egoteak alor desberdinetan
zailtasunak dakarzkio, batetik, maila ekonomikoan (“problemas económicos”,
“problemas financieros”) eta bestetik, maila familiarrean (“no poder alimentar a la
familia”, “posible familia sin recursos económicos”, “no puede mantener la familia”,
“sacar adelante a la familia”). Bestalde, aipagarria da langabezia maskulinoaren
kasuan maila desberdinetan kausalitate indibidualenganako egiten diren aipamenak
(“falta de ganas”, “no hace nada”, “sin ganas de trabajar”), lehen koadrantean
azaltzen den “vago” hitzarekin irudikatzen dena.
Azalaldea
Azalaldean dauden hainbat hitz gune zentralean identifikatu diren zortzi
dimentsioekin elkarlotu daitezke:
- Lanarekiko harremanaren barnean, alderdi aktiboa azpimarratzen da,
“buscar” eta “encontrar” hitzak oso maiz aipatzen direlarik. Bestalde,
lanaren inguruan ere, “paro”, “trabaja” eta “empleo” hitzak daude.
- Zailtasunen dimentsioan koka daitezke, “preocupación” eta
“dificultades” hitzak.
- Dimentsio ekonomikoan, “económicos”, “necesidades” eta
“dependencia” hitzak.
- Kategoria sozialen dimentsioa aberastuz, “jóvenes”, “mayores”,
“estudiante” eta “mujer” hitzak.
- Aurre egiteko moduan, denbora librearekin lotua dagoen “libre” hitza.
- Dimentsio indibidualean, alderdi psikologikoak azaleraziz, “angustia”,