genero- asimetria langabeziaren irudikapen sozialean - Euskara

HURBILPEN METODOLOGIKOA
Aix-en-Provence-ko datuak, 2000. urteko maiatzean jaso ziren eta Institut
Universitaire de Technologie (IUT) zentroko 124 ikaslek parte hartu zuten (56
emakumezko eta 68 gizonezko, 18-25 adin-artekoak, adinaren batez bestekoa 20,4
izanik). Irungo datuak, 2004. urteko otsailean jaso ziren eta Irungo lanbide heziketa
ematen den hiru ikasketa zentro ezberdinetako 274 ikaslek parte hartu zuten, (125
emakumezko eta 148 gizonezko, -1 identifikatu gabe-, 17-29 adin tartekoak, adinaren
batez bestekoa 20,7koa izanik), zehazki, La Salle, Bidasoa eta Plaiaundi
ikastetxeetakoak. Baiona-Bidarteko datuak, 2005. urteko otsailean jaso ziren eta 252
ikaslek parte hartu zuten (111 emakumezko eta 141 gizonezko, 18-25 adin tartekoak,
adinaren batez bestekoa, 20,8koa izanik), zehazki École Supérieure des Technologies
Industrielles (ESTIA, Bidarten), Institut Universitaire de Technologie (IUT, Baionan)
eta École de Gestion et de Commerce (EGC, Baionan) zentroetakoak.
Hiru taldeetan, datuak lortzeko galdesortak erabili ziren. Ikasleei,
langabeziaren inguruko ikerketa bat burutzen ari ginela esan ondoren, beren
borondatezko partaidetza eskertu zen, anonimotasuna bermatzearekin batera.
Galdesortaz gain, azken orrialde batetan partehartzaileen inguruko hainbat
informazio jaso ziren: sexua, adina, ikasketa maila, aitaren okupazioa eta amaren
okupazioa. Galdesortak, klase ordutan banatuak izan dira. Galdesortak betetzeko
ikasleek eman duten batez besteko denbora desberdina izan da. Aix-en Provence-ko
ikasleek ordu bete inguru eman duten bitartean, Baiona-Bidarteko eta Irungo
ikasleek 40 minutu inguru eman dituzte, galdesortaren luzera ezberdina dela eta
(ikus lanabesa atalean, 4.2.puntua).
4. LANABESA
Ikerketetan erabilitako lanabesa, langabeziaren irudikapen sozialaren
inguruko informazioa jasotzea zuen helburu eta zehazki langabezia orokorraren,
langabezia femeninoaren eta maskulinoaren inguruko informazioa. Ondoren,
erabilitako bi galdesorta motak eta galdesorten atal ezberdinak azalduko dira.
97