genero- asimetria langabeziaren irudikapen sozialean - Euskara

86
LANGABEZIA FEMENINOA ETA MASKULINOA: GENERO-ASIMETRIA …
Gialis, Terracciano (1993-94); Jannoyer eta Leclerc (1994); Alègre eta Spallarossa
(1994-95) eta Hernandez eta Marty (1995) burututako lanetan erabilitako itemak
honakoak izan dira: “arazo ekonomikoak”, “enpleguaren bilakuntza”, “bizitza
pribatuan ondorio negatiboak”, “gauzaez sentitu”, “bizitza aldatzeko aukera”,
“bazterketa soziala”, “ardura hartu”, “formaziorako denbora”, “errekonozimendu
falta”, “hurbilekoekin harremanak sendotu”, “norbanakoarentzako denbora”.
Milland-ek (2001) bere aldetik, lana eta langabeziaren irudikapen sozialaren
inguruko azterketan, 15 arlo identifikatzen ditu. 15 arlo hauek eta langabeziari
loturik aurkitzen diren espresioak honakoak dira: gizarteratzea: “bazterketa soziala”,
“baztertua sentitu”…; inplikazio pertsonala: “enplegua bilatu”, “ez lokartu”…;
etorkizuna: “etorkizun beltza”, “epe motzera pentsatu”…; dinamismoa: “inaktiboa”,
“zain egon”…; estimu pertsonala: “ezgauza sentitu”, “norberaren irudi txarra”…;
autonomia: “instituzioekiko dependentzia”, “familiarekiko dependentzia”…;
formazioa: “beste formazio batzuk burutu”, “esperientzia falta”…, harremanak:
“harremanak jende gutxiagorekin”, “isolatua egon”…; morala: “dezepzioa”,
“desesperazioa”…; konfidantza: “norberarekiko ziurtasun falta”, “konfidantza ez
galdu”…; dirua: “arazo ekonomikoak”, “laguntza soziala”…; ongizatea:
“ezinegona”, “ondoeza”..; denbora: “erritmo bat mantendu”, “eguna antolatu”…;
estresa: “estresa”, “larritasuna”; aisia: “erlaxatu”, “entretenitu”.
Gure kasuan langabeziaren irudikapen sozialera hurbiltzeko aukeratutako
itemak dimentsio hauetara loturik aurkitzen dira: alderdi ekonomikoei (“arazo
ekonomikoak”), lanari (“edozein lan onartu”, “ezkutuko lana”), kausalitate
indibidualei (“lan bilakuntzarako motibazio eskasa”), formazioari (“diploma
gabezia”, “esperientzia falta”, “lan berrietara egokitzeko zailtasunak”), bizitza
pribatuko ondorioei (“bikotean tentsioak sor ditzake”, “lagunak galdu”, “seme-
alabak perturbatu ditzake”, “gurasoek seme-alabentzako erreferentzia izateari uzten
diote”), ondorio sozialei (“bazterketa soziala”, “babes sozialen menpeko pertsona
bihurtu”) eta psikologikoei (“norbere burua zalantzan jarri”, “estutasuna, estresa
sortzen du”).