genero- asimetria langabeziaren irudikapen sozialean - Euskara

HURBILPEN TEORIKOA
aldetik, praktika bat dute, objektuaren inguruko komunikazioek irudikapenen
sortze-prozesuan eragiten dutelarik. Adibidez, gure ikerketaren kasuan, langabezia
ageriko objektua da eta erronka ugari suposatzen du, langabezian ez daudenentzako
ere bai. Ikasleek langabeziaren inguruan hitz egiten dute, langabeziaren inguruko
informazioa jasotzen dute eta objektuarekiko irudikapen bat eratzen dute. Beraz,
langabeziarekiko praktika bat dutela esan genezake, langabeziaren egoera
pertsonalki bizi izan ez badute ere (Milland, 2001).
Beste maila batetan, praktika sozialak gizartean sozialki sortutako eta
egituratutako ekintza sistematzat jo daitezke, Jodelet eta Mosccovici-ren hitzetan “les
pratiques sont des systèmes d´action socialement structurés et institués en relation
avec des rôles” (Jodelet eta Moscovici, 1990, 287 or.). Gure gizarteetan, azken urte
hauetan lan munduarekiko -lan ordainduarekiko- emakumeen sarrera dela eta,
emakumeen praktika sozialak aldatzen ari direla esan daiteke eta, era berean,
langabeziarekiko duten harremana. Emakumeen aktibitate tasa etengabe handituz
doa. Delsart eta kolaboratzaileek (2004) emakumeen aktibitate tasaren garapenaren
inguruan publikatutako lanean adierazten den bezala, 1970ean Europar Batasuneko
hamabost herrialdetan emakumeen aktibitate tasaren batez bestekoa % 44ekoa zen -
gizonezkoen aktibitate tasaren erdia gutxi-gora-behera- eta hogeita hamar urte
beranduago, 2000. urtean, % 60ean kokatu da, gizonezkoena % 78koa izanik.
Herrialde batetik besterako desberdintasunak ematen badira ere, autoreen esanetan
25-55 urte bitarteko emakume europarrentzat lan ordaindua emakumeen aktibitate
eredu bilakatu dela esan daiteke, zenbait herrialdeetan trantsizioa bukatzeke badago
ere.
Praktika sozialen eraldaketa orokor hauek langabeziaren irudikapen
sozialean duten isla hurbildu nahian, lanbide heziketako ikasleek langabeziarekiko
duten irudikapena eta, bereziki, langabezia femeninoarekiko duten irudikapena
aztertuko da. Izan ere, Anne-Marie Grozelier-ek (1987) aipatzen zuen bezala,
emakumeak bizitza sozialean duen lekuaren irudikapenak, lan ordainduan
emakumeek izan duten sarrera progresiboarekin ez dator bat.
Praktika eta irudikapenen arteko harremana, norabide ezberdinetan ulertua
eta aztertua izan da. Autore gehienek bat datoz, irudikapenak eta praktikak elkarri
29