genero- asimetria langabeziaren irudikapen sozialean - Euskara

134
LANGABEZIA FEMENINOA ETA MASKULINOA: GENERO-ASIMETRIA …
Langabezia orokorraren kasuan, gunea langabeziaren definizio eta ondorioen
inguruan egituratzen da. Hau da, langabezia enplegurik gabe egotea da (“sin
trabajo”) eta langabeziak zenbait ondorio dakartza, batez ere maila ekonomikoan
(“problemas”, “falta de dinero”).
Azalaldea
Azalaldean dauden hainbat hitz gune zentralean identifikatutako lau
dimentsioekin bat egiten dute. Ondoren, dimentsio hauekin lotuta dauden
azalaldeko elementuak aurkezten dira.
- Lanarekiko harremanaren inguruan, “desempleo”, “empleo”, “laboral”,
“contrato” eta “paro” hitzak ditugu. Bestetik, lanarekiko alderdi aktiboa
azalerazten, “buscar” (lehen azalaldean kokatua) eta “encontrar” hitzak
ditugu.
- Zailtasunak dimentsioarekin bat eginik, “dificultades”,
“preocupaciones”, “inestabilidad”, “inseguridad”, “malestar”, “crisis”,
“escasez” eta “necesidades” hitzak ageri dira.
- Alderdi ekonomikoari dagokionez, batetik, “ganar”, “cobrar”,
“económicos”, “sueldo”, “llegar”, “fin-de-mes” eta “dependencia” hitzak
daude eta bestetik, eskasia dimentsiori lotuta, “pobreza” hitza dugu.
- Gabezia adieraziaz, “no” hitza testuinguru ezberdinekin lotuta agertzen
da (“no tiene trabajo”, “no encuentra trabajo”, “no intenta buscar
trabajo”).
Bestalde, azalaldean beste zenbait dimentsio aurkitzen da. Dimentsio
hauetatik, bigarren koadrantean kokatzen diren hitzei dagozkien hiru dimentsio dira
aipagarrienak. Lehena, denbora librearekin lotua, “tiempo” eta “libre” hitzekin.
Bigarrena, sostengu egiturekin, “INEM” hitza eta hirugarrena, alderdi indibidualen
dimentsioari dagozkionak, “aburrimiento”, “frustración”, “tristeza”, “agobio”,
“angustia”, “autoestima”, “depresión”, “desesperación”, “estrés” eta “vago” hitzak.
Dimentsio hauez gain, beste zenbait dimentsio azalerazten dituzten hitzak daude.