genero- asimetria langabeziaren irudikapen sozialean - Euskara

HURBILPEN METODOLOGIKOA
sistema arauemailea aztertzeko, “Ugazaba” eta “Sindikalista” erreferenteak aukeratu
dira. “Ugazabak”, alderdi kontserbakorrenaren adierazle moduan eta “Sindikalista”
alderdi aurrerakoienaren adierazle moduan. Milland-ek (2002) adibidez,
langabeziaren sistema arauemailean, “Ugazabak” erreferentziazko talde bat osatzen
duela ondorioztatzen du, gazteek baldintza estandarretan emandako erantzunen
bariantza azaldua % 53koa delarik. Langabezia femeninoaren sistema arauemailea
aztertzeko, “Ugazaba” eta “Feminista” erreferenteak aukeratu dira, “Ugazabak”
langabezia maskulinoan bezala, alderdi kontserbakorrena islatuko luke eta
“Feministak”, emakumeen eskubideen defentsen erreferente bezala, alderdi
aurrerakoiena.
Ikerketa honetan, langabeziari orokorrari, langabezia maskulinoari eta
langabezia femeninori buruzko erantzun estandarrak jasotzen dira, aurreko atalean
aipatutako hiru karakterizaziozko galderen bidez (ikus metodologia ataleko
2.2.puntua). Ordezkapen teknika, karakterizaziozko galderetan aplikatu da,
partehartzaileei modu estandarrean erantzuteaz gain, langabezia maskulinoaren
kasuan “Ugazaba” eta “Sindikalista” baten lekuan jarrita erantzutea eskatu zitzaien
eta langabezia femeninoaren kasuan, “Ugazaba” eta “Feminista” baten lekuan jarrita
erantzutea.
Langabezia maskulinoaren kasuan adibidez, Sindikalista baten lekuan jarrita
erantzutea eskatzen denean, honelako galdera planteatzen da:
“Orain langabezia maskulinoaren inguruko proposamen berdinak aurkezten
dizkizugu eta SINDIKALISTA baten lekuan jarrita erantzutea eskatzen dizugu.
Aukera itzazu langabezia maskulinoa gehien ezaugarritzen duten 5 proposamen
(seinala itzazu + batekin).
Ondoren, aukera itzazu langabezia maskulinoa ezaugarritzen ez duten 5
proposamen (seinala itzazu – batekin).”
2.3.2. Datu azterketa
Ordezkapen teknikarekin lortutako datuak, erantzun Estandarretan bezala,
itemek aurkezten duten agerikotasunaren arabera aztertu dira, erreferente
91