genero- asimetria langabeziaren irudikapen sozialean - Euskara

IKERKETAREN EMAITZAK
3.2.2. Erreferenteen bidezko azterketa
3.2.2.1. Itemen arteko hierarkiaren azterketa
Sistema arauemailearen azterketari heldu aurretik, bost galdesortetan
(langabezia orokorrean, langabezia maskulinoan, langabezia femeninoan, modu
estandarrean, Feministaren lekuan jarrita eta Ugazabaren lekuan jarrita) erabilitako
itemen arteko hierarkia konparatuko da, Kendall Tau-b-aren bidez. Indize hau, bi
sailkapenen arteko antzekotasun maila neurtzeko erabiltzen da (Howell, 1998). Gure
kasuan, karakterizazio galdesorta ezberdinetan jarraitutako sailkapenen arteko
konparaketa egingo da. Analisi honetarako, item bakoitzari zenbaki bat ipintzen
zaio, batez bestekoaren garrantziaren arabera (batez besteko altuena duen itema 1
puntuatuz eta batez besteko baxuena duen itema 15 puntuatuz). Bost galdesortetan,
Tau-b-arekin burututako analisiak azaltzen dituen korrelazioak 13. Taulan daude
(galdesorta ezberdinen batez bestekoak 16. Taulan daude).
13. Taula: Aix-en-Provence-ko taldean karakterizazio galdesorten arteko
korrelazioak (Kendall Tau-b)
Orokorra 1,00
Orokorra Maskulinoa Femeninoa Feminista Ugazaba
Maskulinoa ,73 1,00
Femeninoa ,68 ,56 1,00
Feminista ,47 ,58 ,33 1,00
Ugazaba ,10 -,01 ,35 -,31 1,00
Ikasleek langabezia orokorra ezaugarritzeko itemen artean ezarritako
hierarkia, hein handi batean bat dator langabezia maskulinoan (τ = .73) eta
femeninoan (τ = .68) ezarritakoekin. Era berean, ikasleek langabezia maskulinoa eta
femeninoa ezaugarritzeko erabilitako itemen artean ezarritako hierarkiak, hein handi
batean bat datoz (τ = .56). Orokorrean, ikasleek karakterizazio galdesorta
estandarretan (orokorra, maskulinoa eta femeninoa) erabilitako hierarkizazioa
antzekoa da. Erreferenteen kasuan, Feministarekin erabilitako hierarkizazioa
lotuagoa dago langabezia orokorrean (τ = .47) eta maskulinoan (τ = .58)
erabilitakoarekin, langabezia femeninoarekin erabilitakoa baino. Bestalde, Ugazaba
191