genero- asimetria langabeziaren irudikapen sozialean - Euskara

140
LANGABEZIA FEMENINOA ETA MASKULINOA: GENERO-ASIMETRIA …
Erdigunea
Gune zentralekoak izan daitezkeen hitzak ezker-gaineko koadrantean
kokatzen dira. Hau da, maiztasun handia (12 edo maiztasun altuagokoak) eta hein
baxua (2,6 baino txikiagoa) aurkezten duten hamahiru hitz daude: “ama-de-casa”,
“casa”, “dificultades”, “dinero”, “discriminación”, “encontrar”, “hombre”,
“machismo”, “mujer”, “no”, “paro”, “sin”, “trabajo”. Hitz hauek honako zazpi
dimentsiotan sailkatu dira:
1. Lanarekiko harremanaren barnean, “trabajo” eta “paro” hitzak daude.
“Trabajo” hitza, batetik, lan pribazioarekin lotua dago, “sin trabajo” eta “falta
de trabajo” moduko espresioekin eta bestetik, alderdi aktiboarekin lotua dago
“buscar trabajo” eta “encontrar trabajo” moduko espresioekin. Hau da,
lanaren alderdi aktiboa, azalaldean aurkezten diren hainbat hitzekin
nabarmentzen da. Lehen koadrantean dagoen “encontrar” hitzarekin eta
bigarren koadrantean kokatzen den “buscar” hitzarekin. Bestalde, “paro”
hitzarekin, langabeziarekiko erreferentzia garbia da (“hay mucho paro”, “una
mujer en paro”, “paro por maternidad”).
2. Zailtasunak adierazten, “dificultades” hitza dugu, batez ere lana bilatzeko
zailtasunekin lotua dagoena (“dificultades en encontrar un trabajo).
3. Alderdi ekonomikoetan, “dinero” hitzak batez ere pribazioa ekonomikoak
nabarmenduz (“sin dinero”, “falta de dinero”).
4. Pribazioa adierazten, “no” eta “sin” hitzak dauzkagu. Besteak beste, lanaren
(“no trabaja”, “sin trabajo”, “no encuentra”) eta diruaren (“no tiene dinero”,
“sin dinero”) testuinguruan.
5. Kategoria sozialetan, “hombre” eta “mujer” hitzak daude. “Mujer” hitza,
planteatu den galderarekin bat datorren hitz errepikakorra kontsidera daiteke
eta “hombre” hitza, emakume langabetu baten inguruan galdetzerakoan
konparatiboki gizonenganako erreferentzia egiten denaren seinale da.
6. Dimentsio familiarrean, “ama de casa” eta “casa” hitzak koka daitezke,
emakumeen rol tradizionalarekin lotuak daudenak(“ama de casa”, “quedarse
en casa”, “limpieza de casa”, “tarea de casa”).