genero- asimetria langabeziaren irudikapen sozialean - Euskara

HURBILPEN TEORIKOA
dagoenaren ideia garatzen du (Flament, 1994a, 1994b). Zehazkiago esateko,
irudikapenaren azalaldea baldintzapeko preskripzioz osatuta dago eta gune zentrala
baldintzarik gabeko preskripzioz, hau da, derrigorrezko preskripzioekin.
Orokorrean, preskripzio bati egokitzeko modu ezberdinak daude. Malgutasun hau
beharrezkoa da aurreikusi ez diren egoerei aurre egin ahal izateko. Hemen,
irudikapenak praktikak mugatzen dituenaren ideiak interakzioari leku ematen dio.
Hau da, zenbait egoera berrik praktika berriak dakartzate eta praktika berri hauek
elementu zentralarekin bateragarri egiteko, pixkanaka-pixkanaka eraldaketa
prozesua hasten da. Irudikapen sozialen baldintzapenez hitz egiterakoan, Flament-
ek leku berezia eskaintzen dio rol sexualen baldintzapenari. Baldintzapen hau, gure
gizarteetan sexuen arteko berdintasuna aldarrikatzen bada ere, nahi baino
tradizionalagoa aurkezten da. Flament-en hitzetan “Quelle que soi la proclamation
d´égalité des sexes dans notre société, on observe toujours une répartition des rôles
sexués. Mais il n´y a plus la belle simplicité du système méditerranéen traditionnel: la
maison et les enfants étant le royaume de la femme; l´extérieur, le public, celui de
l´homme. Donc, on doit s´attendre à un système conditionnel nuancé, et peut-être
révélateur de plus de traditionnalité qu´on ne le pense” (Flament, 1994b, 96 or.).
Irudikapen sozialek praktiketan duten eragina islatzen duen beste adibide
bat, Guimelli-k (1994) erizainen aukeraketa profesionalen inguruan burututako
ikerketan dugu. Ikerketa honetan lortutako datuen arabera, erizainek beren lan-
bideratzean sektore publikoa edo pribatua aukeratzerako orduan, praktika
profesionala garatzeko baldintzen ebaluazioa egiten dute. Ikerketa honetako datuen
arabera, erizainen % 57ak bere jarduera profesionala aurrera eramateko sektore
pribatua aukeratzen zuen eta % 43ak ospitale-zentro publikoak. Aukeraketa hau,
erizainek beren jardueran zentraltzat duten “berezko rola” aurrera eramateko
aukeraren arabera burutzen da. Hau da, berezko rola ospitale publikoan buru
dezaketela pentsatzen badute, sektore publikora zuzentzen dira, baina alderantziz,
erizainek ospitale publikoan beraien berezko rola bete ez dezaketela pentsatzen
badute, sektore pribatua aukeratzen dute. Flament-ek (2001), bere aldetik, erizainen
aukeraketa honetan elementu zentral bati erreferentzia egiten zaiola onartzen badu
ere, gune zentralaren determinazio zuzenaz ezin dela hitz egin azpimarratzen du.
Hau da, bi kasuetan gune zentrala berdina da baina gunearen exijentziei erantzuteko
31