genero- asimetria langabeziaren irudikapen sozialean - Euskara

TEORIATIK IKERKETA OBJEKTURA
modèles fonctionnent comme des prescriptions sociales légitimées et valorisées… Par
différents modes de socialisation nous nous construisons ainsi en tant que fille ou
garçon, en apportant par nos conduites, les réponses attendues à ces prescriptions”
(Vouillot eta kol. 2004, 281 or.).
Genero-asimetriari eta praktika berrien eta irudikapen sozialen arteko
harremanari dagokionez, Grozelier-ek (1987) aipatzen duen bezala, emakumeak
bizitza sozialean duen lekuaren irudikapenak lan ordainduan emakumeek izan
duten sarrera azkar eta masiboarekin ez dator bat. Autore honen esanetan, lanbidea
duen emakumearen irudia, ekonomikoki independentea dena, etxekoandrearen
irudiarekin batera ematen da. Bere iritziz, oraindik ere, praktika sozial eta
irudikapenen arteko desoreka dago, emakumeen helburuen eta lan femeninoaren
eredu tradizionalaren artean. Eredu tradizional honetan, emakumearen lana
osagarritzat jotzen da, sozialki ez hain baloratua. Maila psikologikoan, bestalde,
porrot profesionala depresio maskulinoaren arrazoitzat jotzen da, emakumeen
depresioaren zergatian aldiz, porrot sentimentala azpimarratzen jarraitzen da
(Pelicier, 1985). Emakumeek ez omen dute langabezia gizonek jasaten duten laztasun
maila berdinaz sufritzen (Shamir, 1985; Jahoda, 1987). Ideia guzti hauek, emakumeak
lan bilakuntzarako egiten dituzten ahaleginak bertan behera uztera bultztzen dituzte,
langabezian ematen duten denbora luzatu ahala, ez dakite langabezian dauden edo
ez (Maruani, 2000).
Enpleguaren eta langabeziaren arteko eztabaidan, Maruani-ren (2002)
hitzetan, hirugarren termino bat barneratu beharra dago, inaktibitatearena hain
zuzen. Izan ere “… la question du chômage féminin porte en germe cele de
l´inactivité contrainte” (Maruani, 2002, 9 or.). Adorea galdu duen gizonezko
langabetua langabetua izaten jarraitzen du, adina dela medio, erretiro aurreratua
duen gizona izatera pasatzen da. Gizonen kasuan, inaktibitatea erretiroarekin
nahasten da, emakumezkoen kasuan ordea, langabeziatik inaktibitatera pasatzea
errezagoa da. Gure gizarteetan, emakumeek edo gizonezkoek enplegu bat
edukitzeko duten zilegitasuna ez da berdina. Egungo langabezia ulertzeko, behartua
den enplegu ezaren egoera guziak kontuan hartu behar dira. Freyssinet-en (1998)
hitzetan, langabezia neurtzeko zailtasuna biztanleriaren barnean multzo inportante
63