genero- asimetria langabeziaren irudikapen sozialean - Euskara

184
LANGABEZIA FEMENINOA ETA MASKULINOA: GENERO-ASIMETRIA …
Ordezkapen teknika eta sistema arauemailearen azterketa
Langabezia orokorra, langabezia maskulinoa eta langabezia femeninoa
ezaugarritzen duten elementuak identifikatzeaz gain, langabeziaren sistema
arauemailea ere aztertu nahi izan da. Honetarako, ordezkapen teknika erabili da.
Langabezia maskulinoari dagokionez, ikasleei Sindikalista baten eta Ugazaba baten
lekuan jarrita erantzutea eskatu zaie. Langabezia femeninoari dagokionez, Feminista
eta Ugazaba baten lekuan jarrita erantzutea eskatu zaie (Aix-en-Provence-ko ikasleei
ordezkapen teknika langabezia femeninoaren kasuan soilik aplikatu da). Flament-i
(1999) jarraiki, galdesorta estandarretan jasotako erantzunek, erantzun arauemaileak
islatzen dituzte. Hau da, pertsonek objektu batekiko duten irudikapena erreferentzia
talde batzuei lotua aurkitzen da. Sistema arauemailearen azterketarako erregresioak
burutu dira, bi indize kontutan hartuz: a) Proposatutako taldeen arabera (aldagai
aurresaleak, langabezia femeninoaren kasuan, Feminista eta Ugazaba) ikasleen
erantzun estandarraren (“Est”, irizpide aldagaia) bariantza azalduaren portzentajea
(R 2) eta b) aldagai aurresaleei lotuak (erreferentziazko instantziak) aurkitzen diren β
koefizienteak. Normalean, R 2 ren eta β koefizienteen esangura maila kalkulatzen da.
Probabilitatezko kalkulu hau subjektuekin lan egiten denean zilegi da, baina gure
kasuan itemen inguruko datuekin lan egiten da eta ondorioz, probabilitateaz hitz
egitea desegokia da (Milland, 2002). Hala ere, aldagai aurresaleak zein neurritan
eragiten duen azaldutako aldagaiaren azalpenean estimatu daiteke. Honetarako
aldagai aurresale eta irizpide aldagaiaren arteko korrelazio partzialak kontutan
hartuko dira. Korrelazio partzialarekin, irizpide aldagaiaren eta aldagai aurresale
baten arteko korrelazioa neurtzen da, aldagai aurresaleen efektuak neutralizatu
ondoren.
Emaitzen aurkezpenari dagokionez taldeka aurkeztuko dira, lehenik Aix-en-
Provence-koak, ondoren Baiona-Bidartekoak eta azkenik Irungoak. Talde bakoitzean
lehenik eta behin, karakterizazio Estandarrean lortutako erantzunak azalduko dira,
ikasleek berek emandako erantzunak langabezia orokorrari buruz, langabezia
maskulinoari buruz eta langabezia femeninoari buruz. Jarraian, gizonezkoek eta
emakumezkoek emandako erantzunak konparatuko dira. Ondoren, sistema
arauemailearen azterketa burutuko da. Hain zuzen ere, sistema arauemailearen