genero- asimetria langabeziaren irudikapen sozialean - Euskara

228
LANGABEZIA FEMENINOA ETA MASKULINOA: GENERO-ASIMETRIA …
Hiru taldeen arteko desberdintasun esanguratsuak aztertu ondoren, Aix-en-
Provence-ko eta Baiona-Bidarteko taldeen arteko desberdintasunak urriagoak badira
ere, orokorrean hiru taldeek langabezia –orokorra, maskulinoa eta femeninoa-
ezaugarritzeko orduan, pareko eskema jarraitzen dutela esan daiteke. Langabezia
orokorra, maskulinoa eta femeninoa, “Arazo ekonomikoak” itemarekin
ezaugarritzen da. Langabezia orokorrean eta maskulinoan, “Bazterketa soziala”,
elementu karakteristikoa da, bai Aix-en-Provence-ko bai eta Baiona-Bidarteko
ikasleentzat. Aipatu beharra dago, Baiona-Bidarteko ikasleek langabezia
femeninoaren kasuan ere bai, “Bazterketa soziala” karakteristikotzat dutela. Bestalde,
hiru taldeek, “Estutasuna, estresa sortzen du” karakteristikotzat dute, langabezia
orokorrean, langabezia maskulinoan (zehaztu beharra dago, Aix-en-Provence-ko
ikasleen kasuan elementu hau langabezia maskulinoaren kasuan ez dela hain
elementu karakteristikotzat jotzen) eta femeninoan. Era berean, langabezia
orokorrean, maskulinoan eta femeninoan, karakteristikoa ez den elementu bat agertu
da, lagunak galtzea. Azkenik, langabezia maskulinoa beste zenbait elementurekin
ezaugarritua agertu da. Baiona-Bidarteko eta Irungo ikasleek “Bikotean tentsioak sor
ditzake” itemarekin ezaugarritzen dute eta gainera, Baiona-Bidarteko ikasleek
“Norbere burua zalantzan jarri” elementua gehitzen dute.
3.5.2. Erreferenteen bidez burututako analisietan talde
arteko konparaketa
3.5.2.1. Itemen agerikotasunaren konparaketa
Agerikotasunaren inguruan burututako analisien arabera, langabezia
maskulinoari dagokionez, bai Baiona-Bidarteko bai eta Irungo ikasleen kasuan
(gogoratu beharra dago, Aix-en-Provence-ko ikasleei erreferenteen lekuan jartzea,
langabezia femeninoaren kasuan soilik eskatu zaiela), erreferente Sindikalaren
lekuan jarrita emandako erantzunak neurri handi batean bat datoz modu
Estandarrean ikasleek emandako erantzunekin eta gutxiago Ugazabaren lekuan
jarrita emandako erantzunekin. Langabezia femeninoari dagokionez, hiru taldeetan
bi erreferenteen bidez emandako erantzunek maila batean ikasleek berak emandako
erantzunak islatzen dituzte.