genero- asimetria langabeziaren irudikapen sozialean - Euskara

IKERKETAREN EMAITZAK
- Emakumezkoek eta gizonezkoen emandako erantzunen
konparaketa
Gizonezkoak eta emakumezkoak Errefusapen Maskulino eta Errefusapen
Femenino galdesortetan emandako erantzunen konparaketa egin da (Kolmogorov-
Smirnov testa) eta oro har emandako erantzunak berdintsuak izan dira. Hala ere,
aipatzekoa da errefusapen maskulinoaren kasuan emakumezkoek arazo
ekonomikoekin, bazterketa sozialarekin eta enpleguaren bilakuntzarekin lotzen
dutela familiaburua eta gizonezkoek, ez ordea. Hau da, emakumezkoen % 90,6ak
familiaburua arazo ekonomikoekin lotzen du eta gizonezkoen kasuan, berriz, %
62,5ak soilik egiten du lotura hau (K-S = 0.28; p < .01). Bazterketa sozialari
dagokionez, emakumezkoen % 75,5ak ezaugarri hau familiaburuarekin lotzen duen
bitartean, gizonezkoen kasuan % 52,8ak soilik lotzen ditu (K-S = 0.23; p < .01).
Azkenik, enpleguaren bilakuntzari dagokionez, emakumezkoen % 84,9ak
familiaburuarekin lotzen du eta gizonezkoen % 59,7ak soilik egiten du lotura hau (K-S
= 0.25; p < .01).
Laburbilduz, bai langabezia maskulinoan bai langabezia femeninoan,
“enpleguaren bilakuntza” itemaren zentraltasuna berretsi da. Pertsona langabetua
(gizona nahiz emakumea) enplegua bilatzen duen pertsona da. Langabezia
maskulinoari dagokionez, gizon langabetua, enplegua bilatzeaz gain, arazo
ekonomikoak dauzkan pertsona da. Langabezia femeninoaren kasuan, aldiz,
baldintza bakarra enplegua bilatzea da, hau da, emakume langabetuak ez omen ditu
arazo ekonomikorik pairatzen, familiaburua ez bada behintzat. Gainera, etxekoandrea
estatusa, errefusapen femeninoan, errefusapen maskulinoan baino aldenduago
aurkitzen da “arazo ekonomikoak”, “bazterketa soziala” eta “enpleguaren
bilakuntza” itemetatik.
4.5. TALDE ARTEKO KONPARAKETA
Talde arteko konparaketarekin, Frantziako estatuari eta Espainiako estatuari
loturik aurkitzen diren taldeen elkarren arteko balizko desberdintasunak aztertu
nahi izan dira.
241