genero- asimetria langabeziaren irudikapen sozialean - Euskara

132
LANGABEZIA FEMENINOA ETA MASKULINOA: GENERO-ASIMETRIA …
gehiagotan erabiltzen dute. “Plus” hitza emakumezkoek 16 aldiz erabili dute eta
gizonezkoek 10 aldiz (Student t (887) = 1.63; p < .10).
Orokorrean, gizon eta emakumeek emandako erantzunak antzekoak dira.
Hala ere, aipatu langabezia orokorraren kasuan, emakumeek gazteen kategoria
soziala eta prekarietatea gehiagotan aipatzen dutela, gizonezkoek arazoak
azpimarratzen dituzten bitartean eta era berean, emakumezkoek langabezia
femeninoaren kasuan, espezifikotasuna gehiago nabarmentzen dutela (“plus de
difficultés”, “plus fréquent”).
Laburbilduz, Baionako ikasleek hiru gogora-ekartzeko galderen aurrean
emandako erantzunak elementu eta dimentsio partekatuak azalerazten dituzte hiru
objektuetan, langabezia orokorrean, langabezia maskulinoan eta langabezia
femeninoan. Hiruretan langabezia, lanarekiko harremanean eta dakartzan
zailtasunetan, batez ere dimentsio ekonomikoan, egituratzen da.
Langabezia orokorra, enplegurik gabe egotea da, enpleguaren bilakuntza
suposatzen du eta ondorio eta zailtasun ekonomikoak dakartza. Langabezia
maskulinoaren kasuan ere, gizon langabetua enplegurik gabe eta enplegua bilatzen
duen gizona da. Egoera honek, zailtasun ezberdinak dakarzkio bai langabetuari bai
eta bere familiari. Hau da, langabeziaren egoerak pertsona indibidualki ukitzeaz
gain, bere ingurune hurbilean ere ondorioak dituela azpimarratzen da.
Langabezia femeninoaren kasuan, batetik, hasieran aipatutako dimentsio
berdinak daude, emakume langabetua enplegurik gabe eta enplegua bilatzen duen
emakumea da eta egoera honek maila ezberdinetan zailtasunak dakarzkio. Bestetik,
langabezia femeninoaren espezifikotasuna azaltzen da, bai dimentsio familiarrean
bai eta dimentsio sozialean ere. Dimentsio familiarrean, emakume batek
tradizionalki familiaren barnean izan dituen paper eta betebeharrak azpimarratzen
diren bitartean, dimentsio sozialean gizartean emakumeenganako existitzen den
diskriminazioa agerian jartzen da.
2.2.3. Irungo datuak
Gogora ekartzeko bi galderak (langabezia orokorra eta langabezia
maskulinoa edo langabezia femeninoa) 274 ikasleetatik 263 ikaslek (141 gizonezko