genero- asimetria langabeziaren irudikapen sozialean - Euskara

HURBILPEN TEORIKOA
arteko bereizketa hau helburu praktikoekin burutzen da. Hau da, objektu batekiko
judizio bat eman behar denean, zenbait elementu lehentasunez mobilizatzen direla
azaltzeko eta praktika bat martxan jarri behar denean, aldiz, beste zenbait elementu
lehentasunez mobilizatzen direla adierazteko. Izan ere, elementu bat ez da inoiz
normatiboa izango funtzionala izan gabe eta alderantziz. Gainera, bi propietate
hauek ez dira lotzen sistema zentraleko elementuei soilik, irudikapen sozial osoari
dagozkio (Guimelli, 1998; Rouquette eta Rateau, 1998; Milland, 2001), ordea.
Flament-ek (1994a), bere aldetik, bereizketa hauetatik harantzago doa, irudikapena
preskripzioz osatuta dagoela proposatzen du, hau da, sistema normatibo batez.
Bestalde, berriki irudikapen sozialen inguruan burutu diren sistema arauemailearen
azterketek ahozko asoziazio produkzioan testuinguru psikosozialaren eragina
aintzat hartu dute. Guimelli eta Deschamps-ek (2000), adibidez, sistema normatiboen
eta estereotipia-prozesuen arteko harremana aztertzeko metodologia bat garatu dute.
Autore hauek ordezkapen teknika erabiltzen dute eta irudikapen sozialetan zenbait
gune isilen existentzia iradokitzen dute. Ordezkapen teknikaren nondik norakoetan
murgildu gabe ere (teknikaren xehetasunak, ikus hurbilpen metodologiko ataleko 2.3
puntuan) esan, teknika honekin gune isilen plazaratzea bilatzen dela. Autore hauen
esanetan, gune isilak taldearen ageriko arauen presioaren eraginez ematen dira.
Flament-ek (1999) agerian jartzen du, irudikapen sozialen inguruko lanetan jasotzen
diren datuek erreferentzia taldeen eragina islatzen dutela. Hau da, irudikapen
sozialetan eragiten duten sistema arauemaileen azterketarako, erreferenteen bidezko
hurbilpena proposatzen du ordezkapen teknikarekin.
3.2.2. Erreferentzia taldeak
Irudikapen sozialak jokaerak preskribatzen ditu, arauen eta harreman
sozialen izaera islatzen du (Abric, 1994a). Irudikapen soziala sistema normatiboa da
eta interakzio maila ezberdinak erregulatzen ditu. Batetik, gizabanakoak
objektuarekiko dituen portaerak; bestetik, objektuarekiko gizabanakoen artean
ematen diren elkarrekintzak eta, azkenik, objektu batekiko irudikapena partekatzen
duten pertsonen eta irudikapen hori partekatzen ez duten pertsonen arteko
harremanak. Talde sozialen araberako berezitasun normatiboak daude eta ondorioz,
berezitasun hauek irudikapenean islatzen dira. Gizabanakoak talde batekin arau
41