genero- asimetria langabeziaren irudikapen sozialean - Euskara

258
LANGABEZIA FEMENINOA ETA MASKULINOA: GENERO-ASIMETRIA …
ekartzeko galdesortan lortutako informazioa interpretatzeko aukera eskaintzen dute.
Hau da, emakume langabetuari buruzko gogora-ekartzeko galderaren aurrean
emakume langabetua etxekoandretzat jotzen da. Errefusapen femenino galdesortetan
ordea, argi geratu da etxekoandreak ez dituela langabetu estatusaren elementu
zentralak partekatzen.
Errefusapen galdesortetan enpleguaren bilakuntzaren, arazo ekonomikoen
eta bazterketa sozialaren zentraltasuna berretsi da. Informazio hau beste
galdesortetan lortutako datuekin erkatuz gero, enpleguaren zentraltasuna, argi
geratzen da. Gogora-ekartzeko galdesortetan, langabetua enpleguarik ez duen
pertsona da eta, era beran, hitzen kategorizazioaren bidez burututako analisietan,
lanarekiko harremanak funtsezko papera betetzen du, langabezia orokorra,
maskulinoa eta femeninoa antolatzerako orduan. Alderdi ekonomikoei dagokienez,
hauek gogora-ekartzeko galderetan funtsezko dimentsioa eratzen dute, bai analisi
lexikografikoan bai eta kategorialean ere (langabezia Femeninoaren kasuan, indarra
galtzen badute ere). Era berean, karakterizazio galdesortan arazo ekonomikoak
elementu ezaugarritsutzat jotzen dira, langabezia orokorrean, maskulinoan eta
femeninoan (langabezia Femeninoan karakteristikotasun hau, kasu orokorrean eta
maskulinoan bezain nabarmena ez bada ere). Bazterketa sozialari dagokionez,
orokorrean elementu zentraltzat jotzen bada ere, zenbait zehazpen egin beharra
dago. Langabezia orokorraren eta maskulinoaren kasuan, bazterketa sozialen
zentraltasuna errefusapen galdesortetan berrestearekin batera, karakterizazio
galdesortetan eta gogora-ekartzeko galderetan elementu garrantzitsutzat hartu da.
Langabezia femeninoaren kasuan, berriz, bazterketa sozialaren zentraltasuna argi
geratu bada ere, aipatu beharra dago karakterizazio galdesortetan ikasleen arteko
banaketa bat eman dela.
Laburbilduz, langabezia orokorrak, maskulinoak eta femeninoak elementu
komunak partekatzen dituztela esan daiteke. Errefusapen galdesortetan langabezia
maskulinoan eta femeninoan elementu berdinen zentraltasuna berretsi denez,
langabezia maskulinoa eta femeninoa gune zentral beraren inguruan antolaturik
daudela esan daiteke. Bestalde, langabezia maskulinoaren eta femeninoaren arteko
desberdintasunak agerian jarri dira. Desberdintasun hauek genero-asimetriari