genero- asimetria langabeziaren irudikapen sozialean - Euskara

262
LANGABEZIA FEMENINOA ETA MASKULINOA: GENERO-ASIMETRIA …
galderetan egindako analisi-maila ezberdinetan, bai langabezia orokorrean, bai
maskulinoan bai eta femeninoan ere, Lanarekiko Harremanaren zentraltasuna argia
da. Azkenik, bazterketa sozialaren zentraltasuna, langabezia maskulinoan eta
femeninoan errefusapen galdesortetan berresteaz gain, karakterizazio galdesortetan
elementu karakteristikotzat hartzen da eta gainera, gogora-ekartzeko galderetan
bazterketaren arazoa argi aipatzen da, lehen lekuetan ez bada ere.
Irungo ikasleen kasuan, gogora-ekartzeko galdesortetan, langabezia orokorra
enplegurik gabe egotea da eta egoera honek ondorio ezberdinak dakartza, maila
ekonomikoan batik bat. Langabezia Maskulinoa, era berean, langabeziaren definizio
instituzionalean, dakartzan zailtasunetan eta dimentsio familiarrean izan ditzakeen
ondorioetan antolatzen da. Hau da, gizon langabetua, enplegurik gabe dagoen eta
enplegua bilatzen duen gizona da. Gainera, langabeziaren egoerak zailtasunak
dakarzkio bai maila ekonomikoan bai eta maila familiarrean ere. Bestalde, aipagarria
da langabezia maskulinoaren kasuan kausalitate indibidualenganako egiten diren
aipamenak, lehen koadrantean azaltzen den “vago” hitzarekin irudikatzen dena.
Langabezia femeninoa langabeziaren definizio instituzionalaren inguruan eta
langabezian egoteak dakarzkin zailtasunetan antolatzeaz gain, generoko
bereizitasunean oinarritzen da. Hau da, batetik, emakumeenganako ematen den
diskriminazioa aipatzen da eta bestetik, dimentsio familiarrak indarra hartzen du,
emakumeak tradizionalki bete izan dituen rolak azpimarratuz.
Aix-en-Provence-ko eta Baiona-Bidarteko ikasleekin gertatzen den moduan,
Irungo ikasleek langabezia femeninoaren eta maskulinoaren aurrean emandako
erantzunetan, genero-asimetria nabarmena da. Dimentsio familiarrean adibidez,
gizona familiaburutzat jotzen da, maila ekonomikoan behinik behin. Emakumea,
aldiz, etxeko lanen eta haurren zainketara dedikatua irudikatzen da. Hala ere,
etxekoandre irudiarekin batera, emakumeek pairatzen duten diskriminazioa
agertzen da. Hau da, diskriminazioa dela eta gizonezkoek baino zailtasun gehiago
omen dituzte, enplegua bilatzerakoan, besteak beste.
Gogora-ekartzeko datuekin burututako analisi kategorialetan, langabezia
orokorra Lanarekiko Harremanaren, Alderdi Ekonomikoen eta Pribazioaren
inguruan antolatzen da. Hiru kategoria hauek kategoria partekatuenak eta