genero- asimetria langabeziaren irudikapen sozialean - Euskara

IKERKETAREN EMAITZAK
duten bitartean (“plus de difficultés”, “plus fréquent”), gizonezkoek langabezia
maskulinoaren kasuan zailtasunak nabarmentzen dituzte (“difficultés financières”,
“difficultés d´integration”).
Laburbilduz, Aix-en-Provenceko ikasleek hiru gogora-ekartzeko galderen
aurrean emandako erantzunak elementu eta dimentsio partekatuak azalerazten
dituzte hiru objektuetan, langabezia orokorrean, langabezia maskulinoan eta
langabezia femeninoan. Hiruretan langabezia, lanarekiko harremanean eta dakartzan
zailtasunetan, batez ere dimentsio ekonomikoan, egituratzen da.
Langabezia, enplegurik gabe egotea da eta horrek dakartzan zailtasun eta
ondorio ekonomikoekin. Langabezia maskulinoak maila zehatzean kokatzen du
langabeziaren irudikapena. Hau da, langabeziaren arazoa gizonaren egoera
konkretuan kokatzen da. Honela, langabezia maskulinoaren kasuan, langabezia
orokorrean aipatutako dimentsioez gain, dimentsio familiarrak eta prestakuntzaren
atalak leku berezia betetzen dute. Hau da, gizon langabetuaren kasuan, enplegurik
gabe eta zailtasun ekonomikoak dauzkan gizona izateaz gain, batetik, egoerarekiko
duen ardura indibiduala azalerazten da, enplegua bilatu behar du eta formazio ezan
arreta ipintzen da eta bestetik, bere egoerak familian ere eragina duela adierazten da.
Langabezia femeninoaren kasuan, hasieran aipatutako dimentsio berdinak topatzen
ditugu, lanarekiko harremana eta zailtasun eta ondorio ekonomikoak. Era berean,
langabezia maskulinoaren kasuan bezala, enpleguaren bilakuntzak zentraltasuna
irabazten du. Hala ere, langabezia femeninoaren espezifikotasuna nabarmentzen da,
bai dimentsio familiarrean bai eta alderdi sozialetan ere. Dimentsio familiarrean
adibidez, estereotipo tradizionalei jarraiki, ez da, gizonezkoen kasuan bezala,
ondorio familiarretan azentua ipintzen, baizik eta emakume batek tradizionalki
familiaren barnean izan duen paper eta betebeharretan (“femme au foyer”, “élever
ses enfants”). Bestalde, alderdi sozialei dagokienez, emakumeek gizartean eta
bereziki lan munduan jasaten duten egoera diskriminatzailea azaltzen da
(“inégalité”).
121