genero- asimetria langabeziaren irudikapen sozialean - Euskara

ONDORIOAK ETA EZTABAIDA
Orain arte ikusitakoaren arabera, hitzen bidezko analisi lexikografikoan,
langabezia orokorraren, maskulinoaren eta femeninoaren baitan funtsezko elementu
bezala enplegu eza eta langabeziak dakartzan zailtasunak aurkitu izan dira, maila
ekonomikoan batez ere. Era berean, kookurrentzia indizearekin burututako
similitude analisietan, hiru estimuluen aurrean lanaren dimentsioaren zentraltasuna
agerian jarri da. Oinarrizko elementu hauetaz gain, langabezia maskulinoa eta
femeninoa bereizten dituzten elementuak ere nabarmendu dira. Langabezia
maskulinoaren kasuan adibidez, alderdi Indibidualak azpimarratzen diren bitartean,
langabezia femeninoan berriz, dimentsio Familiarra nabarmentzen da.
Karakterizazioko galdesortetan, langabezia orokorra, hiru elementurekin
ezaugarritua agertzen da. Langabeziak bazterketa sozialari bide ematen dio,
estutasuna, estresa sortzen du eta arazo ekonomikoak dakartza. Langabezia
maskulinoa bi elementurekin ezaugarritzen da. Gizon langabetua sozialki baztertua
dago eta arazo ekonomikoak ditu. Era berean, langabezia femeninoa bi
elementurekin ezaugarritua azaltzen da. Emakume langabetuak estutasuna, estresa
sentitzen du eta arazo ekonomikoak ditu. Bestalde, aipatzekoa da, diploma gabeziak
langabezia orokorrean, maskulinoan eta femeninoan, ikasleen arteko banaketan
eragiten du. Hiru estimuluen aurrean -langabezia orokorra, langabezia maskulinoa
eta langabezia femeninoa- arazo ekonomikoak nabarmentzen dira. Langabezia
orokorrean, gainera, bazterketa soziala eta estutasuna azpimarratzen dira.
Langabezia maskulinoaz jarduterakoan, indarra bazterketa sozialean jartzen da eta
langabezia femeninoaz jarduterakoan, berriz estutasunean.
Azkenik, errefusapen galdesortetan langabezia maskulinoan eta femeninoan
elementu zentral berdinak berretsi dira. Hau da, langabetuak, emakumezkoa nahiz
gizonezkoa izan, arazo ekonomikoak dauzka, sozialki baztertua sentitzen da eta
enplegua bilatzen du. Hala ere, zenbait berezitasun aurkitu dira errefusapen
galdesorta maskulinoaren eta femeninoaren artean. Errefusapen maskulinoan
elementu zentraletatik gehien aldentzen den estatusa jabearena da eta errefusapen
femeninoan langabetuaren estatusetik gehien aldentzen den estatusa
etxekoandrearena da. Datu hauek, kasu maskulinoan eta kasu femeninoan estatusen
arteko ñabardurak azaltzeaz gain, langabezia femeninoaren inguruko gogora-
257